12 வயது சிறுமியை மருந்து மூலம் 20 வயது பெண்ணாக மாற்றி பாலியல் வன்கொடுமை!

புதுச்சேரியில் 12 வயது சிறுமிக்கு ஹார்மோன் மாத்திரை கொடுத்து 20 வயது பெண்ணாக மாற்றி பாலியல் வன்கொடுமை செய்த பிரான்ஸ் நாட்டைச் சேர்ந்த திகாரி காக்னர் என்பவரை போலீசார் கைது செய்தனர்.

பிரான்ஸ் நாட்டைச் சேர்ந்தவர் திகாரி காக்னர் (66). இவர் கடந்த சில ஆண்டுகளாக புதுச்சேரியில் தங்கி சமூக பணிகளில் ஈடுபட்டு வந்தார்.

இதனிடையே ஒடிசா சென்ற அவர், அங்கு ஏழ்மை நிலையிலிருந்த பிலோமினா மற்றும் அவருடைய 3 மகள்கள், 1 மகன் ஆகியோரை தன்னுடன் அழைத்து வந்து தனி வீடு கொடுத்து தங்க வைத்துள்ளார்.

இந்நிலையில், மூத்த மகளுக்கு 12 வயது எட்ட, அவருக்கு ஹார்மோன் மாத்திரை கொடுத்து 20 வயது இளம் பெண்ணாக மாற்றி பல முறை பாலியல் வன்முறையில் ஈடுபட்டதாக கூறப்படுகிறது.

இது குறித்து புதுவை குழந்தைகள் நல வாரியம் டாக்டர் வித்யா ராம்குமாருக்கு ரகசிய தகவல் கிடைக்க, தனது குழுவினருடன் திகாரியிடம் விசாரணை நடத்தினார். அப்போது அவர், சிறுமி காலில் காயம் ஏற்பட்டு கஷ்டப்பட்டு வந்ததாகவும், எனவே சிகிச்சை அளித்து மகள் போல் நினைத்து கொஞ்சியதாகவும் தெரிவித்தார்.

இதையடுத்து, புதுவையில் உள்ள பிரெஞ்சு தூதரகத்துக்கு தகவல் அளிக்கப்பட்டு, அவர்கள் துணையுடன் கைத செய்யப்பட்டுள்ளார்.