முகவரியே இல்லாத பாஸ்போர்ட்; மத்திய அரசு திட்டம்!

நிறம் மாற்றுதல், முகவரி இல்லாமல் பாஸ்போர்ட்டை கொண்டுவருதல் உள்ளிட்ட மாற்றங்களை மத்திய அரசு கொண்டு வரவுள்ளதாக தகவல்கள் வெளியாகின.

தற்போது வெள்ளை, சிவப்பு, நீலம் என மூன்று வண்ணங்களில் பாஸ்போர்ட் உள்ளது. இதில், மத்திய அரசு அதிகாரிகளுக்கு வெள்ளை நிறம், தூதரக அதிகாரிகளுக்கு சிவப்பு நிறம், பொது மக்களுக்கு நீல நிறமாகும். இந்த நீல நிறத்தில், ஒரு வகை நீலம் மட்டும் எமிகிரேசன் சோதனைக்கு உட்படுத்தப்படும்.

இந்நிலையில், பாஸ்போர்ட் அமைப்புகளில் திருத்தம் செய்ய வெளியுறவுவுத்துறை அமைச்சகம் முடிவு செய்துள்ளது. அதன்படி, எமிகிரேசன் சோதனை செய்யப்படும் பாஸ்போர்ட்டின் நிறத்தை நீலத்தில் இருந்து ஆரஞ்சு நிறத்தில் மாற்ற முடிவு செய்யப்பட்டுள்ளது.

மேலும், பயனாளர்களின் பாதுகாப்பை கருத்தில் கொண்டு, முகவரி பக்கத்தையும் நீக்கப்படுகிறது. இதன் காரணமாக முகவரி சான்றாக இனி பாஸ்போர்ட் பயன்படுத்த முடியாது என்றும் தெரிவிக்கப்பட்டுள்ளது.