மழையா? வெயிலா? சற்றே அதிர்ச்சி தரும் இன்றைய வானிலை நிலவரம் - உஷார் மக்களே!

தமிழகத்தில் கோடை வெயில் சுட்டெரித்து வருகிறது. கடந்த 4ஆம் தேதி தொடங்கிய ’அக்னி நட்சத்திரம்’, வரும் 29ஆம் தேதி வரை நீடிக்கிறது. வெப்பத்தை சமாளிக்க குளிர்ச்சியான மலைப் பகுதிகளுக்கு பொதுமக்கள் படையெடுத்து வருகின்றனர்.

விரைவில் கோடை விடுமுறை முடிவடைய உள்ளதால், சுற்றுலா தளங்களில் பொதுமக்கள் கூட்டம் அலைமோதி வருகிறது. இந்நிலையில் இன்றும், நாளையும் வானிலை எப்படி இருக்கும் என்று வானிலை ஆய்வு மையம் தெரிவித்துள்ளது.

அதாவது, தமிழகத்தின் உள் மாவட்டங்களில் இன்றும், நாளையும் இயல்பை விட 4 டிகிரி செல்சியஸ் வெப்பம் அதிகரிக்கும் என்று கணித்துள்ளது. அடுத்த 3 நாட்களுக்குள் தமிழகத்தின் பல பகுதிகளில் சூறைக் காற்று வீசும்.

அதுவும் 50 கி.மீ வேகத்தில் இருக்கும். ஒருசில இடங்களில் இடி, மின்னலுடன் மழைக்கும் வாய்ப்பு இருக்கிறது. வேறு சில இடங்களில் வெப்பச் சலனம் காரணமாக லேசான மழை பெய்ய வாய்ப்பு உண்டு.

இதற்கு ஏற்ப பொதுமக்கள் தயார் செய்து கொள்ளுமாறு அறிவுறுத்தப்பட்டுள்ளது.