Tamil Nadu Rains: தமிழகத்தில் 3 நாட்களுக்கு மழை பெய்யும் : வானிலை மைய இயக்குனர்

சென்னை : தமிழகத்தில் வரும் 4,5,6 ஆகிய தேதிகளில் மழை பெய்ய வாய்ப்புள்ளதாக வானிலை ஆய்வு மைய இயக்குனர் பாலசந்திரன் தெரிவித்துள்ளார்.

பாலசந்திரன் இன்று செய்தியாளர்களை சந்தித்தார். அப்போது, வங்கக்கடலின் தென் கிழக்கு பகுதியில் புதிய கிழக்கு திசை காற்று உருவாகியுள்ளது. இது வலுப்பெற்று விரைவில் தமிழகத்தில் கரையை கடக்கலாம்.

இதன் காரணமாக வரும் டிசம்பர் 4, 5, 6 ஆகிய தேதிகளில் தமிழகம் மற்றும் புதுச்சேரியில் தொடர்ந்து மழை பெய்ய வாய்ப்புள்ளது.


தமிழக கடலோர மாவட்டங்களில் டிசம்பர் 4ம் தேதி முதல் மிதமான மழை மற்றும் டிசம்பர் 6 தேதி வாக்கில் வட தமிழகத்தில் ஓரிரு இடங்களில் கன மழை பெய்யும் என தெரிவித்துள்ளார்.