வெயில் அடிக்கும்னு பாத்தீங்களா; தமிழ்நாட்டில் செம மழைக்கு வாய்ப்பு!

சென்னை: கனமழைக்கு வாய்ப்பிருப்பதாக வானிலை ஆய்வு மையம் தெரிவித்துள்ளது.

தமிழகத்தில் நேற்று அக்னி நட்சத்திரம் தொடங்கியது. கத்திரி வெயில் தொடங்கும் முன்பே, வெயிலின் தாக்கம் அதிகரித்து காணப்பட்டது.

அதிகபட்சமாக வேலூர், திருத்தணி உள்ளிட்ட மாவட்டங்களில் 108 டிகிரி வெப்பம் பதிவானது.

இந்நிலையில் சென்னையில் செய்தியாளர்களிடம் பேசிய வானிலை ஆய்வு மைய இயக்குநர் கே.பாலச்சந்திரன், மே மாதம் முழுவதும் வெப்பம் அதிகமாக காணப்படும்.

தமிழகத்தின் வெப்பநிலை 0.5 டிகிரி முதல் 1 டிகிரி வரை அதிகரிக்கும். அதேசமயம் உள்மாவட்டங்களில் கோடை மழை பெய்யும்.

அதுவும் கனமழைக்கு வாய்ப்புள்ளது. வேலூர், திருவண்ணாமலை, சேலம், திண்டுக்கல், பெரம்பலூர், கிருஷ்ணகிரி ஆகிய மாவட்டங்களில் மாலை அல்லது இரவுகளில் கனமழை பெய்ய வாய்ப்பு உள்ளது என்று தெரிவித்தார்.

Heavy rain is expected in some parts of Tamilnadu.