சென்னையில் இடி, மின்னலுடன் பரவலாக மழை!

சென்னையில் நேற்று பலத்த காற்றுடன் பெய்த மழையால், வெப்பம் தணிந்து நகரம் முழுவதும் மிதமான சூழ்நிலை நிலவியது.

சென்னையில் கடந்த சில தினங்களாக கடும் வெப்பம் வாட்டி வந்த நிலையில், நேற்று மாலை திடீரென பலத்த காற்றுடன் மழை பெய்யத் தொடங்கியது.

சேப்பாக்கம், திருவல்லிக்கேணி, மயிலாப்பூர், அடையாறு, ராயப்பேட்டை, எழும்பூர், சைதாப்பேட்டை, கிண்டி, கோயம்பேடு உள்ளிட்ட பகுதிகளில் இடி, மின்னலுடன் பரவலாக மழை பெய்தது.

கொசு கடித்தால் இந்த பெண்ணின் இதயமே 3 நிமிடம் நின்றது ஏன் தெரியுமா?

வடபழனி, அண்ணாநகர், கீழ்ப்பாக்கம், புரசைவாக்கம், வியாசர்பாடி, பெரம்பூர், மாதவரம், தண்டையார்பேட்டை, திருவொற்றியூர், மீனம்பாக்கம், தாம்பரம், வேளச்சேரி உள்ளிட்ட பகுதிகளில் சுமார் 30 நிமிடங்களுக்கும் மேலாக கனமழை கொட்டித் தீர்த்தது.

தாம்பரம், பல்லாவரம்,குரோம்பேட்டை, பம்மல், அனகாபுத்தூர் பகுதிகளில் பெய்த மழையால், சாலைகளில் வெள்ளநீா் வழிந்தோடியது. இதனால் வாகன ஓட்டிகள் அவதியடைந்தனர்.

கொரியரில் வந்த கோப்ரா பாம்பு...! - வைரலாகும் வீடியோ

இந்நிலையில் சென்னை வானிலை ஆய்வு மைய அதிகாரி கூறியதாவது;

வடக்கு வங்கக்கடல் மற்றும் அதையொட்டிய பகுதிகளில் காணப்படும் வளிமண்டல மேலடுக்கு சுழற்சி, தென்மேற்குப் பருவக்காற்றின் சாதகமான போக்கு காரணமாக தமிழகத்தின் சில இடங்களில் இன்று மிதமான மழை பெய்ய வாய்ப்புள்ளது.

சென்னையில் வானம் ஓரளவு மேகமூட்டத்துடன் காணப்படும். நகரின் சில இடங்களில் லேசானது முதல் மிதமான மழை பெய்ய வாய்ப்பு உள்ளதாக தெரிவித்தார்.


6 பேர் சேர்ந்து சிறுமியை சீரழித்த கொடுமை...! கடைசியில் அந்த சிறுமிக்கே தண்டனை வழங்கிய கொடூரம்...!