வங்கக்கடலில் மேலடுக்கு சுழற்சி; இன்று கனமழை பெய்யும்

தமிழகத்தின் பல பகுதிகளில் இன்று கனமழை பெய்யும் என்று வானிலை மையம் அறிவித்துள்ளது.

வங்கக்கடலில் மேலடுக் சுழற்சி காரணமாக, தமிழகத்தின் பலபகுதிகளில், குறிப்பாக வட மாவட்டங்களிலும், தென் மாவட்டங்களில் சில இடங்களிலும் கனமழை பெய்யும் என்றும் சென்னை வானிலை மைய அதிகாரிகள் தெரிவித்தனர்.

இது குறித்து அவர்கள் கூறியதாவது.

வங்கக்கடலில் புதிதாக உருவாகியுள்ள மேலடுக்கு சுழற்சி நிலைபெற்றுள்ளது. இதனால், தமிழகத்தில் வடமாவட்டங்களில் பெரும்பாலான இடங்களில் மிதமான மழையும் சில இடங்களில் கனமழை பெய்யும் என்றும் தென்மாவட்டங்களில் சில இடங்களில் மிதமான மழை பெய்யும் என்றும் தெரிவித்தனர்.

சென்னையில் கடந்த சில நாட்களாக இரவு நேரத்தில் மட்டும் மழை பெய்து வருகிறது. இதனால், சாலைகளில் நீரோடு சாக்கடையும் தேங்கியதால், பாதாசாரிகள் பெரும் சிரமத்திற்கு உள்ளானார்கள்.