வழக்கம் போல மாணவிகளே அதிகளவு தேர்ச்சி... தேசிய அளவில் இரண்டாம் இடம்பிடித்த சென்னை

நாடு முழுக்க இன்று சிபிஎஸ்சி 10 வகுப்பு பொதுத்தேர்வு முடிவுகள் வெளியாகியுள்ளன. கொரோனாவால் மாநில பாடத்திட்ட மாணவ்ர்களுக்கு தேர்வு நடத்தப்படவில்லை. ஆனால், மத்திய பாடத்திட்ட மாணவர்களுக்கு முன்பே தேர்வுகள் நடத்தி முடிக்கப்பட்டன.

இந்நிலையில், இரு தினங்களுக்கு முன்பு சிபிஎஸ்சி 12ஆம் வகுப்பு பொதுத்தேர்வு முடிவுகள் வெளியாகின. அதனைத் தொடர்ந்து இன்று 10 ஆம் வகுப்பு பொதுத்தேர்வு முடிவுகள் வெளியாகியுள்ளன. இந்தத் தேர்வு முடிவுகளை cbse.nic.in என்ற இணையதளத்தில் பார்க்கலாம்

இந்நிலையில் இன்ற் வெளியான முடிவுகளில் நாம் கவனிக்க வேண்டிய சில அம்சங்கள் உள்ளன. அவை,

• இரு தினங்களுக்கு முன்பு வெளியான, 12ம் வகுப்பு பொது தேர்வு முடிவுகளை விட 10ம் வகுப்பு பொது தேர்வின் முடிவில் தேர்ச்சி சதவிகிதம் குறைவாக உள்ளது.
• 18,73,015 மாணவ / மாணவிகள் கலந்து கொண்ட 10ம் வகுப்பு சி.பி.எஸ்.இ தேர்வின் முடிவுகள் வெளியான நிலையில் 17,13,121 மாணவ / மாணவிகள் தேர்ச்சி பெற்று உள்ளனர். கடந்த ஆண்டை ஒப்பிடும் போது 0.30% மட்டுமே தேர்ச்சி விகிதம் அதிகரித்துள்ளது.

CBSE 10th Result: இணையம் இல்லாமல் ரிசல்ட் பெறுவது எப்படி?

• வழக்கம் போல மாணவர்களை விட மாணவிகளே அதிக அளவில் தேர்ச்சி அடைந்து உள்ளனர்.
• மாணவர்கள் தேர்ச்சி விகிதம் 90.14% ஆகவும், மாணவிகள் தேர்ச்சி விகிதம் 93.31% ஆகவும் உள்ளது. இந்தியாவிலே அதிக தேர்ச்சி உள்ள இடங்களில் சென்னை இரண்டாம் இடத்தை பிடித்துள்ளது.
• சென்னையில் மட்டும் தேர்வு எழுதிய மொத்த மாணவர்களில் 98.95% பேர் தேர்ச்சி பெற்றுள்ளனர்.