சசிகலா உடல்நிலை: மருத்துவர்கள் சொன்ன லேட்டஸ்ட் தகவல்!

சசிகலாவின் உடல்நிலையில் நல்ல முன்னேற்றம் ஏற்பட்டுள்ளதாக மருத்துவமனை நிர்வாகம் அறிவித்துள்ளது.

அதிமுகவின் முன்னாள் இடைக்கால பொதுச்செயலாளரும் ஜெயலலிதாவின் தோழியுமான சசிகலா சொத்துகுவிப்பு வழக்கில் 4 ஆண்டுகள் தண்டனை பெற்றார்.

ஜனவரி 27ஆம் தேதி அன்று விடுதலையாவார் என அறிவிக்கப்பட்டுள்ள நிலையில் கடந்த சில நாள்களுக்கு முன் உடல்நிலை பாதிக்கப்பட்டார்.
சசிகலா உடல்நிலை எப்படி இருக்கிறது? மருத்துவமனை நிர்வாகம் சொல்வது இதுதான்!
தீவிர நுரையீரல் தொற்று இருப்பதால் பெங்களூர் விக்டோரியா மருத்துவமனையில் தீவிர சிகிச்சை பிரிவிற்கு மாற்றம் செய்யப்பட்டார். அவருக்கு நிமோனியா காய்ச்சலும் இருப்பதாக தெரிவிக்கப்பட்டது.

இந்நிலையில் நேற்று இரவு பெங்களூர் மருத்துவக் கல்லூரி மற்றும் ஆய்வு மையம், வெளியிட்ட அறிக்கையில் சசிகலாவின் உடல்நிலையில் நல்ல முன்னேற்றம் இருப்பதாக தெரிவிக்கப்பட்டுள்ளது.

கொரோனா தொற்றால் சசிகலா விடுதலை தள்ளிப் போகுமா? வெளியான முக்கிய தகவல்!

ஐசியூவில் இருந்தாலும் தொடர்ந்து அவரது உடல் நிலை சீராக இருப்பதாகவும் கண்காணிக்கப்பட்டு வருவதாகவும் தெரிவிக்கப்பட்டுள்ளது.

அவரது துடிப்பு விகிதம் நிமிடத்திற்கு 68 மற்றும் இரத்த அழுத்தம் 128/56 மிமீ எச்ஜி, என்ற அளவில் உள்ளது.