நுரையீரலில் தொற்று பாதிப்பு: முத்தரசன் உடல்நிலை எப்படி உள்ளது?

முத்தரசனுக்கு நுரையீரலில் தொற்று பாதிப்பு ஏற்பட்டுள்ளதாக தகவல் வெளியாகியுள்ளது.

இந்திய கம்யூனிஸ்ட் கட்சியின் மாநிலச் செயலாளர் முத்தரசன் கொரோனா தொற்று காரணமாக சென்னை ராஜீவ்காந்தி மருத்துவமனையில் இரு தினங்களுக்கு முன்பாக சிகிச்சைக்காக அனுமதிக்கப்பட்டார்.

இது தொடர்பாக அக்கட்சியின் துணைச் செயலாளர் பெரியசாமி வெளியிட்ட அறிக்கையில், “இரண்டொரு நாள் மருத்துவமனையில் இருந்து சிகிச்சை பெற வேண்டும் என மருத்துவர்கள் கூறியுள்ளனர். மற்றபடி தோழர் இரா. முத்தரசன் உடல்நிலை சீராகவும், இயல்பாகவும் இருக்கிறது என்பதை தெரிவித்துக் கொள்கிறோம்” என்று தெரிவித்திருந்தார்.
கோவை கார் வெடி விபத்து பின்னணியில் ஐஎஸ்ஐஎஸ்? பாஜக எழுப்பும் சந்தேகம்!
நெஞ்சக சி.டி.ஸ்கேன் பரிசோதனையில் நுரையீரலில் சளி பாதிப்பு இருப்பது கண்டறியப்பட்டதாகவும், ரெம்டெசிவிர் உள்ளிட்ட மருந்துகளுடன் சிகிச்சை அளிக்கப்பட்டு வருவதாகவும் மருத்துவமனை வட்டாரங்கள் தெரிவித்தன. முத்தரசன் உடல்நிலை சீராக உள்ளது. தொற்று பாதிப்பு குறைந்தவுடன் அவர் வீடு திரும்புவார் என்று தெரிவிக்கப்பட்டது.
ஆளுநருக்கு அதற்கு அதிகாரம் இல்லை: பினராயி விஜயன் காட்டம்!
இந்நிலையில் அவர் நுரையீரலில் தொற்று பாதிப்பு ஏற்பட்டுள்ளதாக தற்போது தகவல் வெளியாகியுள்ளது. இருப்பினும் தற்போது அவரது உடல்நிலை சீராக உள்ளதாக என மருத்துவமனை தரப்பில் தகவல் தெரிவிக்கப்பட்டுள்ளது.