Cyclone Gaja: கஜா வருகிறது... நீங்கள் என்ன செய்ய வேண்டும்?

கஜா புயல் இன்று மாலை கரையை கடக்கும் என அறிவிக்கப்பட்டுள்ளது. இதன் காரணமாக பாதிக்கப்படும் என எதிர்பார்க்கப்படும் கடலூர், நாகை, திருவாரூர், தஞ்சை, புதுக்கோட்டை, ராமநாதபுரம் ,புதுச்சேரி, காரைக்கால் மாவட்டங்களில் மீட்பு குழுவினர் தயார் நிலையில் உள்ளனர்.

இதற்காக இரண்டு கடற்படை கப்பல்கள் தயார் நிலையில் உள்ளன. அவசர காலத்தில் உதவும் பொருட்களுடன் கடற்படையின் ரன்வீர், கன்ஜர் கப்பல்கள் உள்ளன. ரப்பர் படகுகளும் தயார் நிலையில் வைக்கப்பட்டுள்ளன.

மருத்துவக்குழு, மருத்துவ பொருட்கள், நிவாரண பொருட்கள் உள்ளிட்டவையும் மீட்புக்குழுவினர் ஏற்பாடு செய்துள்ளனர். மீட்புப் படை விமானங்கள், ஹெலிகாப்டர்கள் அவசர காலத்தில் உதவ தயாராக உள்ளது.

இந்நிலையில் புயலின் தாக்கத்தின் போது நீங்கள் செய்ய வேண்டிய சில விஷயங்கள்:

தாக்கத்துக்கு முன்....

* வதந்திகளை நம்பி பயப்பட கூடாது.
* செல்போன்களை சார்ஜ் செய்து கொள்ள வேண்டும்.
* டி.வி, ரேடியோ, நாளிதழ் மூலம் வானிலை நிலவரத்தை தெரிந்து கொள்ள வேண்டும்.
* சான்றிதழ், முக்கிய ஆவணங்கள் தண்ணீர் புக முடியாத இடத்தில் பாதுகாப்பாக வைக்க வேண்டும்.
*அத்தியாவசிய பொருட்களை தயாரிக்க வேண்டும்.

தாக்கத்துக்குப் பின்.....
* மின்சார சுவிட்ச்சை அணைத்து வைக்க வேண்டும். காஸ் அணைத்து வைக்கவும்.
*கதவு, ஜன்னல்களை மூடி வைக்கவும்
*சுடு தண்ணீர் குடிக்க வேண்டும்.
*வானிலை குறித்த அதிகாரபூர்வ அறிவிப்பை மட்டுமே நம்ப வேண்டும்.

வெளியில் இருந்தால்....
*சேதமடைந்த கட்டிடங்களுக்குள் நுழைய வேண்டாம்.
*உடைந்த மின்சார கம்பங்கள் மற்றும் மின் கம்பிகள் அருகே செல்வதை தவிர்க்கவும்