HUB AND SMOKE என்ற தீவிர இருதய சிகிச்சை முறை தமிழகத்தில் அறிமுகம்!

இந்தியாவிலேயே முதல் முறையாக HUB AND SMOKE என்ற தீவிர இருதய சிகிச்சை முறை தமிழகத்தில் மருத்துவமனைகளில் அறிமுகப்படுத்த உள்ளதாக சுகாதாரத்துறை அமைச்சர் விஜயபாஸ்கர் அறிவித்துள்ளார்.

தருமபுரி அரசு மருத்துவக் கல்லூரியில் பட்டமளிப்பு விழா நேற்று நடைபெற்றது. இதில் சுகாதாரத்துறை அமைச்சர் விஜயபாஸ்கர், உயர்கல்வித்துறை அமைச்சர் அன்பழகன் ஆகியோர் சிறப்பு விருந்தினர்களாக பங்கேற்றனர்.

பின்னர் செய்தியாளர்களை சந்தித்த அமைச்சர் விஜயபாஸ்கர், இந்தியாவிலேயே முதல் முறையாக HUB AND SMOKE என்ற தீவிர இருதய சிகிச்சை முறை தமிழக அரசு மருத்துக்கல்லூரி மருத்துவமனைகளில் அறிமுகப்படுத்த உள்ளதாக கூறினார்.

மேலும் ஆஞ்சியோகிராம், ஆஞ்சியோபிளாஸ்ட் போன்ற மேல் சிகிச்சைகளை தருமபுரி அரசு மருத்துவமனையிலேயே பெறுவதற்கான முன்னேற்பாடுகள் நடந்து வருவதாக சுகாதாரத்துறை அமைச்சர் விஜயபாஸ்கர் தெரிவித்தார்.