ஏ.என். 32 ரக விமானம் சந்தித்த விபத்துக்கள்

சென்னை: விமானப் படைக்கு சொந்தமான ஏ.என். 32 ரக விமானம் மாயமான சம்பவம் நாடு முழுவதும் பெரும் பரபரப்பை ஏற்படுதியுள்ளது.

சென்னை தாம்பரத்தில் இருந்து விமான படைக்கு சொந்தமான ஏ.என். 32 ரக விமானம் அந்தமான் புறப்பட்டு சென்றது. இந்த, விமானம் காலை 11.30 மணிக்கு போர்ட் பிளேர் சென்றடைந்திருக்க வேண்டும். ஆனால் கிளம்பிய சில மணி நேரத்தில் கட்டுப்பாட்டு அறையுடனான தொடர்பை இந்த விமானம் இழந்தது.

அதனையடுத்து, மாயமான விமானத்தை தேடும் பணியில் 2 டார்னியர் விமானங்கள் 4 கடற்படை கப்பல்கள் விமானத்தை தேடி வருகின்றன. சென்னையிலிருந்து 200 கி.மீ., கிழக்கே, வங்காள விரிகுடா கடலில் விமானத்தை தேடும் பணியில் தீவிரமாக தேடும் பணி நடந்து வருகிறது.

ஏ.என். 32 ரக விமானம் இதுவரை சந்தித்த விபத்துக்கள்:

**கடந்த 1986-ஆம் ஆண்டு மார்ச் மாதத்தில் முதன் முறையாக இந்திய விமானப்படைக்கு சொந்தமான ஏ.என். 32 ரக விமானம் இந்திய பெருங்கடல் பகுதியில் மயாமானது.

**கடந்த 1996-ஆம் ஆண்டு ஜனவரி மாதத்தில் ஆப்ரிக்க நாடான காங்கோவில் அதிக பயணிகளுடன் புறப்பட்ட ஏ.என். 32 ரக விமானம் வெடித்துச் சிதறியது. இதில் பயணிகள் 237 பேர் பரிதாபமாக உயிரிழந்தனர்.

**அதேபோல், கடந்த 2007-ஆம் ஆண்டு காங்கோ நாட்டிலேயே மீண்டும், ஏ.என். 32 ரக விமானம், விமான ஓடு பாதையில் வெடித்து சிதறி விபத்துக்குள்ளானது.

**கடந்த 1998-ஆம் ஆண்டு பெரு விமானப்படைக்கு சொந்தமான ஏ.என். 32 ரக விமானம் இயந்திரக் கோளாறு காரணமாக விபத்துக்குள்ளானது. இதில் 21 பேர் உயிரிழந்தனர்.

**கடந்த 1995-ஆம் ஆண்டில் இலங்கை விமானப்படைக்கு சொந்தமான ஏ.என். 32 ரக விமானம் அந்நாட்டின் யாழ்பாணம் பகுதியில் சுட்டு வீழ்த்தப்பட்டது. அதேபோல், கடந்த 2014-ஆம் ஆண்டில், இலங்கை விமானப்படைக்கு சொந்தமான விமானம் இயந்திர கோளாறு காரணமாக விபத்துக்குள்ளானது.

**கடந்த 2009-ஆம் ஆண்டில் அருணாச்சலப் பிரதேச மாநிலத்தில் இருந்து புறப்பட்டு சென்ற இந்திய விமானப்படைக்கு சொந்தமான விமானம் விபத்துக்குள்ளானது.