செலவை குறைக்க புதிய முயற்சி: தேவையற்ற பணியிடங்களை கண்டறிந்து பரிந்துரைக்க குழு!

அரசு துறைகளில் தேவையற்ற பணியிடங்களை கண்டறிந்து பரிந்துரைக்க குழு ஒன்றை தமிழக அரசு அமைத்துள்ளது.

அரசின் தேவையற்ற செலவுகளை கண்டறியும் வகையில் தமிழக அரசு தற்போது புதிய முயற்சி ஒன்றை கையிலெடுத்துள்ளது. அதன்படி, அரசு துறைகளில் உள்ள தேவையற்ற பணியிடங்களை கண்டறிந்து அரசுக்கு பரிந்துரைக்கும் வகையில் முன்னாள் முதன்மை செயலர் ஆதிசேஷையா தலைமையில் குழு ஒன்று அமைக்கப்பட்டுள்ளது. எந்தெந்த பணியிடங்களை தனியாருக்கு வழங்கலாம் என்று குழு ஆய்யும். மேலும், ஒவ்வொரு துறையிலும் உள்ள தேவையற்ற பணிகளை கண்டறிந்து இன்னும் 6 மாத காலத்திற்குள் அரசுக்கு அறிக்கை தாக்கல் செய்யும். இந்த அறிக்கையின் படி, தமிழக அரசின் தேவையற்ற செலவுகள் ஒவ்வொன்றாக குறைக்கப்படும் என்று எதிர்பார்க்கப்படுகிறது.