இன்று எந்தெந்த ஊர்களில் மழை? வானிலை ஆய்வு மையம் தகவல்!

வடகிழக்கு பருவ காற்றின் (easterly trough) காரணமாக டிசம்பர் 9ஆம் தேதி மதுரை, விருதுநகர், சிவகங்கை, திருநெல்வேலி மாவட்டங்களில் ஓரிரு இடங்களில் இடி மின்னலுடன் கூடிய கன மழையும், ஏனைய மாவட்டங்கள் மற்றும் புதுவை, காரைக்கால் பகுதிகளில் அநேக இடங்களில் லேசானது முதல் மிதமான மழையும் பெய்யக்கூடும்.
மாணவர்களுக்கு ஹேப்பி நியூஸ்: அரசுக்கு ஆசிரியர்கள் வைத்த கோரிக்கை!
டிசம்பர் 10ஆம் தேதி தென் மாவட்டங்கள், கடலோர மாவட்டங்கள் மற்றும் புதுவை, காரைக்கால் பகுதிகளில் ஓரிரு இடங்களில் லேசானது முதல் மிதமான மழையும், வட உள் மாவட்டங்களில் பொதுவாக வறண்ட வானிலையே நிலவும்.

டிசம்பர் 11ஆம் தேதி தமிழ்நாடு மற்றும் புதுவை, காரைக்கால் பகுதிகளில் ஒருசில இடங்களில் லேசானது முதல் மிதமான மழை பெய்யக்கூடும்.

டிசம்பர் 12, 13ஆகிய தேதிகளில் தென் மாவட்டங்கள், கடலோர மாவட்டங்கள் மற்றும் புதுவை, காரைக்கால் பகுதிகளில் ஒருசில இடங்களில் இடி மின்னலுடன் கூடிய லேசானது முதல் மிதமான மழையும், வட உள் மாவட்டங்களில் ஓரிரு இடங்களில் லேசான மழையும் பெய்யக்கூடும்.
சைலேந்திர பாபு கொடுத்த ரிப்போர்ட்: வாய்விட்டு பாராட்டிய மோடி
சென்னையை பொறுத்தவரை அடுத்த 24 மணி நேரத்திற்கு. வானம் ஓரளவு மேகமூட்டத்துடன் காணப்படும். நகரின் ஒரு சில இடங்களில் லேசானது முதல் மிதமான மழை பெய்யக்கூடும் அதிகபட்ச வெப்பநிலை 31 மற்றும் குறைந்தபட்ச வெப்பநிலை 25 டிகிரி செல்சியஸை ஒட்டி இருக்கும்.

அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும்.. அதிகபட்ச வெப்பநிலை 32 மற்றும் குறைந்தபட்ச வெப்பநிலை 25 டிகிரி செல்சியஸை ஒட்டி இருக்கும்.

கடந்த 24 மணி நேரத்தில் அதிகபட்சமாக கும்பகோணம் (தஞ்சாவூர்) 3, சத்யபாமா பல்கலைக்கழகம் (செங்கல்பட்டு), திருவிடைமருதூர் (தஞ்சாவூர்) தலா 2, மஞ்சளாறு (தஞ்சாவூர்), வலங்கைமான் (திருவாரூர்), தொண்டி (ராமநாதபுரம்) தீர்த்தாண்டதனம் (ராமநாதபுரம்), தென்பரநாடு (திருச்சி), புதுச்சேரி (புதுச்சேரி), கங்காவள்ளி (சேலம்) தலா 1 சென்டிமீட்டர் மழை பதிவாகியுள்ளது. மீனவர்களுக்கான எச்சரிக்கை ஏதுமில்லை.