ஜெயா டி.வி., அலுவலகத்தில் வருமான வரி சோதனை நிறைவு!

சென்னை: சென்னை ஈக்காட்டுத்தாங்கலில் உள்ள ஜெயா டி.வி., அலுவலகத்தில் கடந்த ஐந்து நாட்களாக நடந்த வருமான வரித்துறை சோதனை நிறைவடைந்துள்ளது .

வரி ஏய்ப்பு நிறுவனங்கள் மீது வருமான வரித்துறை கடும் நடவடிக்கை மேற்கொண்டு வருகிறது. தமிழ்நாட்டில் சசிகலா, நடராஜன், டி.டி.வி.தினகரன், திவாகரன், நடராஜன், இளவரசியின் மகன் விவேக், அவர்களின் உறவினர்கள், நண்பர்களின் வீடுகள், நிறுவனங்கள், அலுவலகங்களில் கடந்த 9ம் தேதி வருமான வரித்துறை அதிகாரிகள் பல குழுக்களாக சென்று சோதனையை துவங்கினர்.

ஜெயா டி.வி. அலுவலகத்திலும் சோதனை நடத்தது. அதில் பல தகவல்களை அதிகாரிகள் கைப்பற்றியிருப்பதாக தெரிகிறது. தவிர, வங்கி கணக்குகளும் முடக்கப்பட்டன.

தொடர்ந்து ஐந்து நாட்களாக நடந்த இந்த சோதனை இன்றும் நடந்தது. இந்நிலையில் ஜெயா டிவியில் இன்று பிற்பகல் சோதனை நிறைவடைந்துள்ளது. சோதனையில் சிக்கிய ஆவணங்களை மதிப்பிடும் பணி தற்போது நடக்கிறது.

Income Tax raid at Jaya TV today office completed