மாஜி அமைச்சர் செந்தில் பாலாஜி நண்பர் வீட்டில் ஐ.டி. ரெய்டு

கரூரில் உள்ள முன்னாள் அமைச்சர் செந்தில் பாலாஜி நண்பர் வீட்டில் வருமான வரித்துறை சோதனை சோதனை நடத்தி வருகிறது.

பெங்களூரு, சென்ன்னை உள்ளிட்ட இருபது இடங்களிலும் வருமான வரித்துறை இன்று சோதனை மேற்கொண்டுள்ளது. கருரில் உள்ள முன்னாள் அமைச்சரும் டிடிவி தினகரன் ஆதரவாளருமான செந்தில் பாலாஜி நண்பர் வீடுகளில் சோதனை நடைபெற்று வருகிறது.

முன்னதாக, கர்நாடக முன்னாள் முதல்வரும் முன்னாள் மத்திய அமைச்சருமான எஸ்.எம்.கிருஷ்ணாவின் மருமகன் வி.ஜி.சித்தார்த்க்குச் சொந்தமாக பெங்களூரில் உள்ள வீட்டு மற்றும் அலுவலகங்களில் வருமான வரித்துறை இன்று காலை 8.45 மணி முதல் சோதனையைத் தொடங்கியது. காபி டே நிறுவனத்தின் தலைவரான சித்தார்த் மீதான வரி ஏய்ப்புப் புகார் தொடர்பாக, இந்த சோதனை நடத்தப்படுகிறது.

அண்மையில், கர்நாடக மின்துறை அமைச்சர் சிவக்குமாரின் வீட்டில் வருமான வரித்துறையி நடத்திய சோதனையில் கட்டுக்கட்டாக கணக்கில் வராத பணம் சிக்கியது நினைவுகூரத்தக்கது.