பள்ளிகரணை விஏஓ அலுவலகத்தில் லஞ்ச ஒழிப்பு அதிகாாிகள் சோதனை

பள்ளிகரணை கிராம நிர்வாக அலுவலர் மற்றும் வருவாய் ஆய்வாளர் அலுவலகங்களில் லஞ்ச ஒழிப்பு துறையினர் திடீர் சோதனை. கணக்கில் வராத ஒன்றரை லட்சம் பணம் பறிமுதல்.

சென்னையை அடுத்த பள்ளிகரணையில் உள்ள வருவாய் ஆய்வாளர் மற்றும் கிராம நிர்வாக அலுவலுர் அலுவலகத்தில் லஞ்சம் பெறப்படுவதாக பொதுமக்களிடம் இருந்து தொடர் புகார்கள் பெறப்பட்டதை அடுத்து அந்த அலுவலகங்களில் லஞ்ச ஒழிப்பு துறை அதிகாரிகள் திடீர் சோதனையில் ஈடுபட்டனர்.

பிற்பகல் 2 மணி முதல் துனை கண்காணிப்பாளர் சங்கரன் தலைமையில் ஆய்வாளர் சங்கர், சுப்ரமணியம் உள்ளிட்ட 10 பேர் கொண்ட குழுவினர் தீவிர சோதனையில் ஈடுபட்டு கணக்கில் வராத ஒன்றரை லட்சம் பணத்தை பறிமுதல் செய்தனர்.

மேலும் கிராம நிர்வாக அலுவலர் ரமேஷ், வருவாய் ஆய்வாளர் நந்தகுமார் உள்ளிட்ட அதிகாரிகளிடம் விசாரணை நடத்தி வருகின்றனர்.

சோதனை நடைபெறுவதால் பொதுமக்கள் யாரும் எந்த தேவைக்காகவும் உள்ளே அனுமதிக்கபடவில்லை.