பொங்கலுக்கு ரயில் டிக்கெட் கிடைக்கலையா.. 899 ரூபாய் விமான டிக்கெட்! இண்டிகோ நிறுவனம் அதிரடி!!

இண்டிகோ நிறுவனம் தனது விமானத்தின் டிக்கெட் விலையில், குளிர்கால சிறப்பு ஆஃபர்களை அள்ளி வீசியுள்ளது.

இண்டிகோ விமானம், பயணிகளை மகிழ்விக்கும் வகையில் அவ்வபோது பலவிதமான ஆஃபர்களை அறிவித்து வருகிறது .இந்நிலையில், தற்போது குளிர்காலத்தை ஒட்டி, பயணிகளை குதூகலிக்கும் வகையில் குளிர்கால ஆஃபர்களை அறிவித்துள்ளது .அதன்படி, தற்போது டிக்கெட்டின் ஆரம்ப விலையாக 899 ரூபாய் என்று நிர்ணயிக்கப்பட்டுள்ளது.

இந்த ஆஃபரை பெற விரும்புவோர் இன்றிலிருந்து ஞாயிறு (நவ.21-25) க்குள்ளாக முன்பதிவு செய்ய வேண்டும். டிசம்பர் 6, 2018 முதல் ஏப்ரல் 15, 2019 வரையில் பயண தேதியை முன்பதிவு செய்து கொள்ளலாம். பயண இடங்களைப் பொருத்து உள்ளூர் பயணங்களுக்கு குறைந்தபட்ச டிக்கெட் கட்டணம் 899 ரூபாய், சர்வதேச பயணங்களுக்கு குறைந்தபட்ச டிக்கெட் கட்டணம் 3,199 ரூபாய் என்றும் நிர்ணயிக்கப்பட்டுள்ளது.

தமிழகத்தைப் பொருத்தவரையில் சென்னை – தூத்துக்குடி இடையேயான பயணத்துக்கு 2,299 என்று நிர்ணயிக்கப்பட்டுள்ளது. இதேபோல், மதுரை-சென்னை இடையேயான பயணங்களுக்கு 1,299 ரூபாய் என்றும் கோவை-சென்னை இடையே 1,599 ரூபாய் என்றும் கட்டணம் நிர்ணயிக்கப்பட்டுள்ளது. மேலும், சென்னை-பெங்களூரு-ஹைதராபாத் உள்ளிட்ட பல்வேறு முக்கிய நகரங்களுக்கும் குறைந்த விலை சலுகை வழங்கப்படுகிறது. இந்த சலுகை கட்டணத்தில் டிசம்பர் 6, 2018 முதல் ஏப்ரல் 15, 2019 வரையிலான தேதியில் மட்டுமே பயணம் செய்ய முடியும். இந்த சலுகையை வரும் நவம்பர் 25ம் தேதிக்குள் முன்பதிவு செய்தால் மட்டுமே பெற முடியும்.

இது குறித்து மேலும் விபரங்கள் அறியவும், நிபந்தனைகள் மற்றும்ஆஃபர் விதிமுறைகளை தெரிந்து கொள்ளவும் இண்டிகோவின் அதிகாரப்பூர்வ இணையதளமான www.goindigo.in வலைதளத்துக்கு செல்லவும்