மறைமுக தேர்தல் முடிவுகள்: ஆச்சரியப்படுத்திய அதிமுக, ’ஷாக்’ ஆன திமுக!

தமிழகத்தில் உள்ள 27 மாவட்டங்களின் 91 ஆயிரத்து 975 ஊரக உள்ளாட்சி அமைப்புகளுக்கு கடந்த டிசம்பர் 27 மற்றும் 30 ஆகிய தேதிகளில் இரு கட்டங்களாக தேர்தல் நடைபெற்றது. இதன் முடிவுகள் கடந்த ஜனவரி 2ஆம் தேதி வெளியிடப்பட்டது.

கடந்த உள்ளாட்சி தேர்தலை ஒப்பிடுகையில் இம்முறை நடந்த நேரடி தேர்தல் முடிவுகளில் திமுக ஏற்றமும், அதிமுக சரிவும் கண்டிருந்தது குறிப்பிடத்தக்கது. இதனைத் தொடர்ந்து நேற்று 10 ஆயிரத்து 306 பணிகளுக்கு மறைமுக தேர்தல் நடைபெறவிருந்தது.

பயங்கர கார் விபத்து; தனி உதவியாளர் பலியானதால் அமைச்சர் விஜயபாஸ்கர் அதிர்ச்சி!

இதில் 27 மாவட்ட ஊராட்சி தலைவர், 314 ஊராட்சி ஒன்றிய தலைவர், 9 ஆயிரத்து 624 கிராம ஊராட்சி துணைத் தலைவர் உள்ளிட்ட இடங்கள் அடங்கும். இந்நிலையில் சில இடங்களில் கட்சிகளுக்கு இடையே மோதல் ஏற்பட்டதால் வாக்கு எண்ணிக்கை தேதி குறிப்பிடாமல் ஒத்திவைக்கப்பட்டது.

மறைமுக தேர்தல் முடிவுகள் தொடர்பாக மாநில தேர்தல் ஆணையம் வெளியிட்டுள்ள தகவலை இங்கே காணலாம். மாவட்ட ஊராட்சி பதவி இடங்களில் 27ல் 26 இடங்களுக்கு நடைபெற்ற மறைமுக தேர்தலில் அதிமுக 13, திமுக 12, பாமக 1 இடத்தில் வெற்றி பெற்றுள்ளது.

காலம் வரும் என்ற நம்பிக்கையில் மீண்டும் சிறை; பேரறிவாளனின் பரோல் நிறைவு!

மாவட்ட ஊராட்சி துணைத் தலைவர் பதவிக்கு மொத்தமுள்ள 27ல் 26 இடங்களுக்கு நடைபெற்ற தேர்தலில் அதிமுக 7, திமுக 11, பாமக 3, பாஜக மற்றும் காங்கிரஸ் தலா 2, தேமுதிக 1 இடங்களில் வெற்றி பெற்றன.

சிவகங்கை மாவட்ட ஊராட்சியில் போதிய எண்ணிக்கையில் உறுப்பினர்கள் வருகை தராததால் மறைமுக தேர்தல் ஒத்திவைக்கப்பட்டுள்ளது. 283 ஊராட்சி ஒன்றிய தலைவர்களுக்கு நடைபெற்ற மறைமுக தேர்தலில் அதிமுக 140, திமுக 125, பாமக 7, காங்கிரஸ் 5, பாஜக 3, இந்திய கம்யூனிஸ்ட் 3, அமமுக 2, சுயேட்சைகள் 2 இடங்களில் வெற்றி பெற்றுள்ளனர்.

விருதுநகர் டிஎஸ்பிக்கு அரிவாள் வெட்டு, வீடியோ உள்ளே!

273 ஊராட்சி ஒன்றிய துணைத்தலைவர் பதவியிடங்களுக்கு நடைபெற்ற தேர்தலில் அதிமுக 94, திமுக 107, பாமக 19, காங்கிரஸ் 8, தேமுதிக 7, அமமுக 5, பாஜக 4, இந்திய கம்யூனிஸ்ட் 3, சுயேச்சைகள் 25 இடங்களில் வெற்றி பெற்றுள்ளனர்.