Mettur Dam: மேட்டூர் அணையிலிருந்து திறக்கப்படும் நீரின் அளவு 50 ஆயிரம் கனஅடியாக குறைப்பு!

கர்நாடகாவில் இருந்து காவிரிக்கு திறந்துவிடப்படும் நீரின் அளவு குறைந்த நிலையில், மேட்டூர் அணையிலிருந்து வெளியேற்றப்படும் நீர் அளவு 50 ஆயிரம் கனஅடியாக குறைக்கப்பட்டுள்ளது.

மேட்டூர் அணையில் இருந்து நேற்றைய நிலவரப்படி ஒரு லட்சத்து 50 ஆயிரம் கனஅடி தண்ணீர் திறந்துவிடப்பட்டது. இந்நிலையில், இன்று அதிகாலை நிலவரப்படி மேட்டூர் அணைக்கு ஒரு லட்சம் கனஅடி தண்ணீர் வருவதால், அணைக்கு வரும் நீர் அப்படியே வெளியேற்றப்பட்டு வருகிறது.

இதனிடையே முக்கொம்பில் இருந்தும், கல்லணையில் இருந்தும் ஒரு லட்சத்து 50 ஆயிரம் கன அடி நீர் திறக்கப்பட்டுள்ளதால், கொள்ளிடத்தில் வெள்ளம் பெருக்கெடுத்து ஓடுகிறது. இதனால் காவிரி கரையோரங்களில் வசிக்கும் மக்களுக்கு தொடர்ந்து வெள்ள அபாய எச்சரிக்கை விடுக்கப்பட்டுள்ளது.