அரசு மருத்துவர்கள் பணியிட மாற்ற கலந்தாய்வுக்கு இடைக்காலத் தடை

அரசு மருத்துவர்கள் பணியிட மாற்ற கலந்தாய்வுக்கு சென்னை உயர்நீதிமன்றம் இடைக்காலத்தடை விதித்துத்துள்ளது.

தமிழகத்தில் 860 மருத்துவ பணியாளர்களை கட்டாய இடமாற்றம் செய்ய மருத்துவ கல்வி இயக்குனரகம் உத்தரவிட்டது. மே 31ஆம் தேதி தொடங்கிய பணியிட மாற்ற நடைமுறை ஜுன் 7ஆம் தேதி வரை நடக்க இருந்தது.

இந்நிலையில், மருத்துவ பேராசிரியர், உதவிப் பேராசிரியர் பணியிட மாற்றத்தில் விதிமுறைகள் பின்னப்பற்றப்படவில்லை என புகார் எழுந்தது. இது தொடர்பாக சென்னை உயர்நீதிமன்றத்தில் வழக்கு தொடரப்பட்டது.

இந்த வழக்கு இன்று விசாரணைக்கு வந்தது. அப்போது, அரசு மருத்துவர்களை பணியிட மாற்றம் செய்வதற்கான கலந்தாய்வுக்கு இடைக்காலத்தடை விதித்து சென்னை உயர்நீதிமன்றம் உத்தரவிட்டது.