சர்வதேச மகளிர் வார சலுகை: மருத்துவ ஆலோசனை பெற ரூ. 8 மட்டுமே

சென்னை: சர்வதேச மகளிர் தின சலுகையாக எந்த சிறப்பு மருத்துவ நிபுணரையும், ரூ. 8 மட்டும் செலுத்தி மருத்துவ ஆலோசனை பெற்றுக் கொள்ள டாக்ஸ்ஏப் என்ற ஒரு புதிய ஸ்மார்ட் ஃபோன் ஏப் அறிமுகப்படுத்தப்படுள்ளது.

சென்னை ஐஐடி பட்டதாரிகளால் உருவாக்கப்பட்ட இந்த டாக்ஸ்ஏப் என்ற ஹெல்த் கேர் அப்பின் மூலம் பெண்கள் முதல் மருத்துவ ஆலோசனையை இலவசமாகவும், சர்வதேச மகளிர் வாரம் முழுவதும் ரூ. 8 மட்டும் செலுத்தி மருத்துவ நிபுணரிடம் மருத்துவ ஆலோசனை பெற்றுக் கொள்ளும் வசதியை அளிக்கிறது.

ஃ போன் அல்லது சாட் மூலம் மகப்பேறு, தோல்நோய் மருத்துவர்கள் மற்றும் ஊட்டச்சத்து போன்ற பல மருத்துவ நிபுணர்களிடம் மருத்துவ ஆலோசனை பெற்றுக் கொள்ள முடியும். மார்ச் 1 முதல் மார்ச் 8 வரை இந்த சலுகை தொடரும்.

வாழ்க்கையில் பல வேலைகள் மற்றும் பொறுப்புகளை சுமக்கும் பெண்கள் தங்கள் உடல் நலன் குறித்து அக்கறை காட்ட மறந்து விடுகின்றனர்.

அதிகப்படியான மன அழுத்தம், பிசிஒடி, தைராய்ட் பிரச்னை மகப்பேறு பிரச்னை, பிரசவத்துக்கு முன்பும், பின்பும் செய்ய வேண்டியவை, உடல் எடை பேணுதல், தோல் மற்றும் தலை முடி போன்ற பிரச்னைகளும் அனைத்து வயதில் உள்ள மகளிரும் சந்திக்க கூடியதாகும். ஆனால், தங்கள் குடும்ப பொறுப்புகளின் காரணமாகவும், வேலை, கல்வி ஆகிய காரணங்களாலும் பெண்களால் மருத்துவரை நாட நேரம் ஒதுக்க முடிவதில்லை.

கல்லூரி பெண்கள், குடும்ப பெண்கள் என பலரும் இந்தியாவில் உள்ள சிறந்த மருத்துவ நிபுணர்களிடம் தங்கள் கேள்விகள் மற்றும் பிரச்னைகளை இந்த டாக்ஸ்ஏப் மூலம் ஆலோசிக்க இயலும்.

டெல்லி, மும்பை, பெங்களூரு, ஹைதராபாத் மற்றும் சென்னை ஆகிய நகரங்களில் வசிக்கும் மக்களுக்கு மருந்துகளை அளிக்கவும், மருத்துவ லேப் பரிசோதனை சாம்பிள்களை சேகரிக்கவும் டாக்ஸ்ஏப் உதவுகிறது என்பது குறிப்பிடத்தக்கது.