ரஜினியின் கட்சி சின்னம் பாபா முத்திரை?

அரசியல் வருகையை அறிவித்த நடிகர் ரஜினி, தனது கட்சி சின்னமாக பாபா முத்திரையை கோருவாரோ என்ற ஐயம் எழுந்துள்ளது.
சென்னை ராகவேந்திரா திருமண மண்டபத்தில், நடிகர் ரஜினிகாந்த் தனது அரசியல் நிலைப்பாட்டை இன்று அறிவித்தார். இது குறித்து அவர் கூறுகையில், ’ நான் அரசியலுக்கு வர பயப்படவில்லை. மீடியாக்கள் பார்த்து தான் பயம். பெரிய ஜாம்பவான்களுக்கே மீடியாக்களை கண்டு பயப்படுகின்றனர். ஆறாவது நாளாக கட்டுப்பாட்டுடன் இருந்து போட்டோ எடுத்து சென்றனர் ரசிகர்கள். இந்தக் கட்டுப்பாடு இருந்தால் நாம் எதையும் சாதிக்கலாம். வரும் சட்டமன்ற தேர்தலில் தனிக்கட்சி துவங்கி 234 தொகுதிகளிலும் போட்டி.’என்றார்

இந்நிலையில், கருணாநிதி உதய சூரியனை சின்னத்தையும், ஜெயலலிதா இரட்டை இலையையும் கையில் காட்டுவது போது, நடிகர் ரஜினிகாந்த் பாபா முத்திரையை வெளிப்படையாக காண்பித்துள்ளார்.

இது ரஜினியின் அரசியல் கட்சி சின்னமாக பாபா முத்திரையை தேர்தல் ஆணையத்திடம் கேட்பார் என்ற ஐயம் எழுந்துள்ளது.