TN E-Pass: அனைவருக்கும் இ-பாஸ்... உண்மையில் அனைவருக்குமா?

நாமக்கல் மாவட்டம் ராசிபுரத்தில் தண்னீர் தொட்டிக்குள் விஷவாயு தாக்கி இரண்டு தொழிலாளர்கள் உயிரிழந்த சம்பவம் அதிர்ச்சியையும் சோகத்தையும் ஏற்படுத்தியுள்ளது.

நாமக்கல் மாவட்டம் ராசிபுரம் அருகே உள்ள பட்டணம் முனியப்பம்பாளையத்தை சேர்ந்தவர் செந்தில்குமார். இவர் தான் வசிக்கும் பகுதியான இந்திரா நகரில் புதிதாக வீடு கட்டி வருகிறார்.

இந்தக் கட்டுமானப் பணியின்போது, அங்கிருந்த 8 அடி ஆழமுள்ள நிலத்தடி தண்ணீர் தொட்டியில் உள்ள மரப்பலகை மற்றும் தடுப்புகளை அகற்றுவதற்காக தொட்டிக்குள் இறங்கினார் முருகேசன் என்ற தொழிலாளி. அப்போது எதிர்பாராத விதமாக விஷவாயு தாக்கியதில் அவர் மயங்கி விழுந்தார்.
இவரைக் காப்பாற்ற மற்ற தொழிலாளர்களான சஞ்சய், தவமுருகன் , ஆறுமுகம் , சிரஞ்சீவி ஆகிய 4 பேரும் ஒவ்வொருவராக தொட்டிக்குள் இறங்கினர். அப்போது அவர்களையும் விஷவாயு தாக்கியது. இதில் சிரங்சீவிக்கு 19 வயதுதான் ஆகிறது என்பதும், சஞ்சய்க்கு 22 வயதுதான் என்பதும் கவனிக்கத்தக்கது.

தகவலறிந்து உடனடியாக போலீசார் மற்றும் தீயணைப்பு துறையினர், நீண்ட போராட்டத்திற்கு பிறகு, தொழிலாளிகள் 5 பேரும் மீட்டு சிகிச்சைக்காக ராசிபுரம் அரசு ஆஸ்பத்திரிக்கு அனுப்பி வைத்தனர்.


அங்கு டாக்டர்கள் பரிசோதித்துவிட்டு முருகேசன் மற்றும் சஞ்சய் ஆகிய இருவரும் ஏற்கனவே இறந்துவிட்டதாக தெரிவித்தனர். மற்ற 3 பேரும் மேல் சிகிச்சைக்காக சேலம் அரசு ஆஸ்பத்திரிக்கு அனுப்பி வைக்கப்பட்டுள்ளனர். அங்கு அவர்களுக்கு தீவிர சிகிச்சை அளிக்கப்பட்டு வருகிறது.

தண்ணீர் தொட்டிக்குள் விஷவாயு தாக்கி 2 தொழிலாளிகள் பரிதாபமாக உயிரிழந்த சம்பவம் ராசிபுரம் பகுதியில் சோகத்தை ஏற்படுத்தி உள்ளது. மேலும், கவலைக்கிடமான நிலையில் சிகிச்சை பெற்று வரும் மூவரின் உடல்நிலை குறித்தும் கவலை அதிகரித்துள்ளது.