ஆர்.கே.நகர் இடைத்தேர்தலில் கமல் தனித்துப் போட்டி?

ஆர்.கே.நகர் இடைத்தேர்தலில் போட்டியிடப் போகிறாரா என்பது பற்றி பேச நடிகர் கமல்ஹாசன் மறுத்துவிட்டார்.

நடிகர் கமல்ஹாசன் சமீப காலமாக தொடர்ந்து அரசியல் விமர்சன கருத்துக்களைக் கூறி வருகிறார். அண்மையில், தேர்தலில் போட்டியிட்டு தமிழக முதல்வராக விரும்புவதாகவும் வெளிப்படையாக கூறியிருந்தார். மேலும், கேரளா, டெல்லி மற்றும் மேற்கு வங்கத்தின் முதல்வர்களையும் அவர் சந்தித்து அரசியல் நிமித்தமாகப் பேசியுள்ளார்.

ஆர்.கே.நகர் இடைத்தேர்தல் வரும் டிசம்பர் 21ஆம் தேதி நடைபெறும் என்று அறிவிக்கப்பட்டுள்ள நிலையில் கமல் இத்தேர்தலில் களமிறங்குவாரா என்ற எதிர்பார்ப்பு எழுந்துள்ளது.

இச்சூழலில், டெல்லியிலிருந்து விமானம் மூலம் சென்னை திரும்பிய நடிகர் கமல்ஹாசனிடம் செய்தியாளர்கள் இது குறித்து பல விதமாக கேள்வி எழுப்பினர். ஆனால், கமல் எதையும் காதில் வாங்காதது போல வேகமாக எஸ்கேப் ஆகிவிட்டார்.

தனது கட்சியின் பெயரையும் சின்னத்தை விரைவில் அறிவிப்பேன் என ஏற்கனவே கமல் கூறியது குறிப்பிடத்தக்கது.