அதிமுக மீன் பிடித்திருவிழா: ஸ்டாலின் போடும் தூண்டில்? வலையோடு வரும் பாஜக!

அதிமுக தலைமையை கைப்பற்றுவதில் ஓபிஎஸ் - இபிஎஸ் இடையே நீயா, நானா யுத்தம் நடைபெற்றுக் கொண்டிருக்கிறது. கட்சித் தொண்டர்கள், நிர்வாகிகள் இரு பக்கமும் பிரிந்து நிற்கின்றனர். இதற்கிடையே சசிகலா தன் பங்கிற்கு சுற்றுப் பயணம் மேற்கொண்டு தொண்டர்களை சந்தித்து வருகிறார்.

ஆளுக்கொரு பக்கமாக சிதறி நிற்பதால் கட்சிக்குள் அதிருப்தி அலை வேகமாக அடிக்கிறது. நடக்கும் களேபரத்தை ஒதுங்கி நின்று வேடிக்கை பார்ப்பவர்களும், இனி இங்கிருந்தால் பிரயோஜனமில்லை என்று வேறு கட்சிக்கு வண்டியை திருப்பி வருபவர்களும் அதிகரித்து வருகின்றனர்.

ஜூலை 11ஆம் தேதி என்ன நடக்கப் போகிறது என்பதை பார்த்துவிட்டு ஒரு முடிவெடுப்போம் என்று காத்திருப்பவர்களும் இருக்கிறார்கள்.

அதிமுகவின் இந்த சூழலைப் பயன்படுத்தி அதிருப்தியில் இருப்பவர்களுக்கு ஆசை வார்த்தை கூறி நம் பக்கம் அழைத்து வாருங்கள் என மத்தியில், மாநிலத்தில் ஆளும் இரு கட்சிகளும் தங்கள் நிர்வாகிகளுக்கு ரகசிய உத்தரவிட்டுள்ளதாக தகவல்கள் வந்த வண்ணம் உள்ளன.

கொரோனா பரவல்: பள்ளிகளில் சுழற்சி முறையில் வகுப்புகள்?

திமுக தலைமை மாவட்டச் செயலாளர்களுக்கு ஒரு விஷயத்தை பாஸ் பண்ணியுள்ளதாம். அதன்படி மாவட்டங்களில் உள்ள அதிமுக நிர்வாகிகளை அணுசரித்து செல்லுங்கள், அவர்களுக்கு வேண்டிய உதவிகளை தயக்கமில்லாமல் செய்து கொடுங்கள். அதிமுகவில் உள்ள குழப்பங்களை பயன்படுத்தி பாஜக செல்வாக்குள்ள நபர்களை தங்கள் பக்கம் இழுக்க திட்டமிடுகிறது. எனவே எக்காரணம் கொண்டும் அவர்கள் பாஜகவுக்கு செல்ல அனுமதித்துவிடாதீர்கள், நம் பக்கம் அழைத்து வாருங்கள் என்று கூறப்பட்டுள்ளதாம்.

பாஜக தரப்பு இதில் தீவிரம் காட்டி வருவதாக சொல்கிறார்கள். மாவட்ட அளவிலான செல்வாக்குள்ள நபர்களிடம் பேச்சுவார்த்தை ஒரு பக்கம் நடைபெறுகிறது. மற்றொரு புறம் முன்னாள் அமைச்சர்களையே வளைக்க முயற்சிகள் நடைபெற்று வருகின்றன. அந்த வகையில் முன்னாள் சட்டத்துறை அமைச்சர் சி.வி.சண்முகத்திடம் முக்கிய பிரமுகர் ஒருவர் மூலம் பேச்சுவார்த்தை நடைபெறுவதாக சொல்கிறார்கள்.
Mk Stalin Visit: முதல்வர் ஸ்டாலின் திடீர் ஆய்வு: மாணவர்களுக்கு கிடைக்கும் வசதிகள்!
எடப்பாடி பழனிசாமி அணியின் முக்கிய முகமாக செயல்பட்டு வரும் சி.வி.சண்முகம் பாஜக பக்கம் செல்ல மாட்டார் என விழுப்புரம் வட்டார அதிமுகவினர் கூறுகின்றனர். இருந்தாலும் பாஜகவின் முயற்சிகள் தொடர்ந்து வருகின்றன என்கிறார்கள் விவரம் அறிந்தவர்கள்.