தல தோனியும், தளபதி விஜய்யும்: டிரெண்டாகும் விஜய் அரசியல் புகைப்படம்!

ஒன்பது மாவட்ட ஊரக உள்ளாட்சித் தேர்தலில் விஜய் மக்கள் இயக்கம் சார்பில் பலர் போட்டியிட்ட நிலையில் 129 பேர் வெற்றி பெற்றனர். வெற்றி பெற்றவர்களை அழைத்து வாழ்த்து கூறியுள்ளார் நடிகர் விஜய். அந்த நிகழ்வின் புகைப்படங்கள் தற்போது வெளியாகி கவனம் பெற்றுவருகின்றன.

முன்னாள் இந்திய கிரிக்கெட் அணியின் கேப்டன் மகேந்திர சிங் தோனி ரசிகர்களால் ‘தல’ என அழைக்கப்பட்டாலும், நடிகர் விஜய்யோடு தான் அடிக்கடி ஓப்பிடப்படுவார்.

இந்திய அணிக்காக எத்தனையோ ஐசிசி கோப்பைகளை வென்று கொடுத்துள்ளார், ஐபிஎல் கோப்பைகளையும் வென்று அசத்தியுள்ளார். ஆனால் கோப்பையை வென்று கொடுத்துவிட்டு சக வீரர்களுக்கு இடமளித்து ஓரமாக போய் நின்று புகைப்படத்துக்கு போஸ் கொடுப்பார்.
தீபாவளி பண்டிகை: ரேஷன் அட்டைதாரர்களுக்கு அரசு நச் அறிவிப்பு!சக வீரர்களை முன்னிலைப்படுத்துவது அவர்களை அங்கீகரிப்பது தல தோனியின் ஸ்டைல் என்றால் எங்கள் தளபதி விஜய்யும் அப்படி தான் பாஸ் என கமெண்டுகளை தெறிக்க விடுகின்றனர் விஜய் ரசிகர்கள்.

உள்ளாட்சி தேர்தலில் வெற்றி பெற்றவர்களுடன் குழு புகைப்படம் எடுத்துக்கொண்ட விஜய் நடுநாயகமாக அமராமல் ஓரமாக அமர்ந்துள்ளார். வெற்றி பெற்றவர்கள் அவர்கள் தான் அவர்களுக்கு தான் முக்கியத்துவம் கொடுக்க வேண்டும் என விஜய் செய்த இந்த விஷயம் கவனம் பெற்றுவருகிறது
தமிழக அரசின் தீபாவளி பரிசு: கூட்டுறவுத் துறை அமைச்சர் அறிவிப்பு!
“விஜய் அரசியலுக்கு வருவாரா மாட்டாரா என்ற கேள்வி எல்லாம் இனி தேவையில்லை, அவர் தனது ரசிகர்களை இறக்கி அதன் பூர்வாங்க வேலைகளைத் தொடங்கிவிட்டார். நகர்ப்புற உள்ளாட்சித் தேர்தலில் இன்னும் அதிகமான இடங்களில் விஜய் மக்கள் இயக்கம் போட்டியிடும். குறிப்பிடத்தக்க இடங்களில் வெற்றி பெற்றால் அடுத்து வரும் சட்டமன்றத் தேர்தலுக்குள் விஜய் மக்கள் இயக்கம் தவிர்க்க முடியாத சக்தியாக மாற வாய்ப்புள்ளது என கருத்து தெரிவிக்கின்றனர்” அரசியல் விமர்சகர்கள்.