காளீஸ்வரி நிறுவனத்தில் வருமான வரித்துறை சோதனை

சென்னை: காளீஸ்வரி எண்ணை நிறுவனத்தில் வருமான வரித்துறை அதிகாரிகள் சோதனை நடத்தி வருகின்றனர்.

கோல்டு வின்னர் சமையல் எண்ணெய், காளிமார்க் குளிர்பானம் உள்பட பல்வேறு பொருட்களை தயாரித்து விற்பனை செய்து வரும் பிரபல தனியார் நிறுவனம் காளீஸ்வரி. இந்நிலையில், சென்னை, மதுரை, திண்டுக்கல், வேலூர் உள்பட காளீஸ்வரி குழுமதுக்கு சொந்தமான 54 இடங்களில் வருமான வரித்துறையினர் சோதனை மேற்கொண்டு வருகின்றனர்.

முறையான வருமானவரி தாக்கல் செய்யாததால் இந்த சோதனை நடந்து வருவதாக கூறப்படுகிறது. காலை முதல் நடைபெற்று வரும் சோதனையில் நூற்றுக்கும் மேற்பட்ட அதிகாரிகள் ஈடுபட்டுள்ளனர்.

வெளிநாட்டு குளிர்பானகளை புறக்கணித்து விட்டு தமிழக நிறுவனமான காளிமார்க் உள்ளிட்ட நிறுவனங்களின் பானங்களை பருகுமாறு சமூக வலைத்தளங்களில் பல்வேறு தரப்பினரும் பதிவிட்டு வந்த நிலையில், இந்த சோதனை நடைபெற்று வருகிறது என்பது கவனிக்கத்தக்கது.

முன்னாள் அமைச்சர் ப.சிதம்பரம் மற்றும் அவரது மகன் கார்த்தி சிதம்பரத்துக்கு சொந்தமான இடங்களில் நேற்றைய தினம் சிபிஐ அதிகாரிகள் சோதனை மேற்கொண்ட நிலையில், தற்போது காளீஸ்வரி எண்ணை நிறுவனத்தில் வருமான வரித்துறை அதிகாரிகள் சோதனை நடத்தி வருகின்றனர் என்பது குறிப்பிடத்தக்கது.
IT raid at Kaleesuwari Refinery Oil Private Limited in Chennai, raids also underway in Madurai,Dindugal and Vellore