பரணி சில்க்ஸ் குழுமத்தில் காலை முதல் வருமானவரித்துறை சோதனை

கோவை மற்றும் ஈரோடு பரணி சில்க்ஸ் குழுமக் கடைகளில் , வருமானவரித்துறையினர் சோதனை நடத்தி வருகின்றனர்.

ஈரோடு மாவட்டத்தை தலைமையிடமாகக் கொண்டு இயங்கிவரும் நிறுவனம் பரணி சில்க்ஸ்,ஈரோட்டில் மட்டும் இந்த நிறுவனத்துக்கு மூன்று கிளைகள் உள்ளன. அதேபோல, கோவையில் அவினாசி சாலையிலும் பரணி சில்க்ஸ் கிளை உள்ளது.

இந்நிலையில் , இந்த நிறுவனத்தின் சம்பந்தப்பட்ட இடங்களில் இன்று காலை முதல் வருமானவரித்துறையினர் சோதனை நடத்தி வருகின்றனர்.
அதன்படி, பரணி சில்க்ஸ் , பரணி பட்டு, பரணி ரெடிமேடு, மலர் சில்க்ஸ் , மங்கை நைட்டீஸ் , கலாமந்திர் உள்ளிட்ட நிறுவனங்களில், வருமானவரித்துறையினர் சோதனை நடத்தி வருகின்றனர்.

இந்த சோதனை காலை 7 மணி முதல் நடைபெற்று வருகிறது. நல்லதம்பி மற்றும் அவரது மகன்கள் ரவி, பொன்னுசாமி மற்றும் சேகர் ஆகியோர்தான் இந்த நிறுவனத்தின் உரிமையாளர்களாக செயல்பட்டு வருகின்றனர்.