ஜல்லிக்கட்டு சட்டம் : அரசிதழில் வெளியீடு

சென்னை : பராம்பரிய விளையாட்டான ஜல்லிக்கட்டை நடத்த ஏதுவாக நிறைவேற்றப்பட்ட சட்டம் குடியரசு தக்லைவரின் ஒப்புதலுக்கு பிறகு இன்று அரசிதழில் வெளியிடப்பட்டுள்ளது.

இளைஞர்கள் , மாணவர்கள் மற்றும் பொதுமக்கள் ஜல்லிக்கட்டுக்கு ஆதரவாக மிகப்பெரிய போராட்டத்தை தமிழகம் முழுவது நடத்தினார்கள் . இதன் விளைவாக ஜல்லிக்கட்டு நடத்துவதற்கு ஏதுவான அவசர சட்டத்தை தமிழக அரசு நிறைவேற்றியது.

இதன் பிறகு தமிழர்களின் பாரம்பரிய விளையாட்டான ஜல்லிக்கட்டை தமிழகத்தில் தடையின்றி நடத்திட ஏதுவாக தமிழக நிரந்தர சட்டம் கொண்டு வந்தது. இதில் நாட்டு மாட்டு இனங்களை காக்கும் பொருட்டு திருத்தங்கள் கொண்டு வரப்பட்டு, இச்சட்டம் தமிழக சிறப்பு சட்டசபையில் நிறைவேற்றப்பட்டது

இதன்பின்னர் இந்த சட்டம் குடியரசு தலைவர் ஒப்புதலுக்காக அனுப்பி வைக்கப்பட்டது. குடியரசு தலைவர் இதற்கு ஒப்புதல் அளித்ததை அடுத்து இன்று தமிழக அரசிதழில் வெளியிடப்பட்டது.