தமிழ் கலாச்சாரத்தின் மீது அதிக ஈர்ப்பு; இந்து முறைப்படி மதுரையில் திருமணம் செய்த ஜப்பான் ஜோடி!

ஜப்பான் தலைநகர் டோக்கியாவைச் சேர்ந்த யூடோ நினாகா. கல்வி நிறுவனம் ஒன்றில் பேராசிரியராக பணியாற்றும் இவர், சிகாரு ஒபாதா என்ற பெண்ணை பதிவு திருமணம் செய்து கொண்டார்.

சிகாரு தமிழை தெளிவாகவும், தடையின்றியும் பேசக் கூடியவர். மேலும் தமிழ் கலாச்சாரத்தின் மீது அதிக ஈர்ப்பு கொண்டவர்.

இந்நிலையில் மதுரை ரயில் நிலையம் அருகேவுள்ள மண்டபத்தில் மீண்டும் திருமணம் செய்ய ஏற்பாடுகள் செய்தனர்.

இம்முறை இந்து முறைப்படி மணமுடித்தனர். இதில் இருவீட்டாரும் திரளாக கலந்து கொண்டனர். மங்கள வாத்தியங்கள் முழங்கப்பட்டன.

மணமகனுக்கு பட்டு வேஷ்டி, சட்டையும், மணமகளுக்கு பட்டுச்சேலையும் அணிவிக்கப்பட்டிருந்தன.

மேடையில் காப்பு கட்டுதல் முகூர்த்தக்கால் உள்ளிட்ட சடங்கு முறைகள் நடைபெற்றன. பின்னர் மணமகன் யூடோ, மணமகள் சிகாருவின் கழுத்தில் தாலி கட்டினார்.

Japan couple interested and married as Tamil Culture.