முதல்வர் ஜெயலலிதா உடல்நிலை தொடர்ந்து கவலைக்கிடம்-அப்போலோ புதிய தகவல்..!

தமிழக முதல்வர் ஜெயலலிதாவின் உடல்நிலை தொடர்ந்து கவலைக்கிடமாக இருப்பதாக அப்போலோ மருத்துவமனை புதிய தகவலை தெரிவித்துள்ளது.

நேற்று மாலை தமிழக முதல்வருக்கு மாரடைப்பு ஏற்பட்டதை தொடர்ந்து,அவருக்கு தீவிர சிகிச்சைப் பிரிவில் தொடர் சிகிச்சை அளிக்கப்பட்டு வந்தது.இந்நிலையில் இன்று மதியம் ஒரு மணி அளவில்,முதல்வர் ஜெயலலிதாவின் உடல்நிலை இக்கட்டான நிலையில் இருப்பதாக அப்போலோ மருத்துவமனை அறிக்கை வெளியிட்டது.

இதனைத் தொடர்ந்து தமிழக முதல்வர் ஜெயலலிதாவுக்கு சிகிச்சை அளித்த லண்டன் மருத்துவர் ரிச்சர்ட் பீலே,தமிழக முதல்வரின் உடல்நிலை மிகமிக மோசமாக உள்ளதாக தெரிவித்திருந்தார்.இந்நிலையில் இன்று மாலை தனது அதிகாரப்பூர்வ டிவிட்டர் பக்கத்தில் “தமிழக முதல்வரின் உடல்நிலை தொடந்து கவலைக்கிடமாக இருக்கிறது.மருத்துவ நிபுணர் குழுவினர் தொடர்ந்து கண்காணித்து வருகின்றனர்.”என தெரிவிக்கப்பட்டுள்ளது.

Jayalalitha condition remains critical