ஜெயலலிதாவின் அண்ணன் மகளுக்கு அனுமதி மறுப்பு!

சென்னை அப்போலோ மருத்துவமனையில் சிகிச்சை பெற்றுவரும் தமிழக முதல்வர் ஜெயலலிதாவை பார்க்க அனுமதி மறுக்கப்படுவதாக அவரது அண்ணன் மகள் தீபா புகார் தெரிவித்துள்ளார்.

உடல் நலம் பாதிக்கப்பட்டு கடந்த 75 நாட்களாக சென்னை அப்போலோ மருத்துவமனையில் சிகிச்சை பெற்றுவரும் தமிழக முதல்வர் ஜெயலலிதாவிற்கு திடீரென மாரடைப்பு ஏற்பட்டது. அதனால் அவருக்கு தொடர்ந்து சிகிச்சை அளிக்கப்பட்டு வருகிறது. பல்வேறு பகுதிகளில் இருந்தும் அப்போலோ மருத்துவமனை நோக்கி அதிமுக தொண்டர்கள் குவிந்த வண்ணம் உள்ளனர். இந்நிலையில் ஜெயலலிதாவின் அண்ணன் மகள் தீபா ஜெயலலிதாவை பார்க்க சென்னை அப்போலோ மருத்துவமனைக்கு வந்தார். ஆனால் முதல்வரை பார்க்க அவருக்கு அனுமதி வழங்கப்படவில்லை.

இது குறித்து செய்தியாளர்களிடம் பேசிய தீபா, காரணம் எதுவும் சொல்லாமல் உள்ளே செல்ல அனுமதி மறுக்கின்றனர். அதுமட்டுமல்லாமல் இங்கு இருந்து வீட்டிற்கு செல்ல சொல்லியும் காவல்துறையினர் வலியுறுத்துகின்றனர் என்று தீபா காவல்துறை மீது குற்றம் சாட்டியுள்ளார்.