ஜெ., பக்தர்களுக்கு நற்செய்தி: சுவாமி

புதுதில்லி: ஜெ., பக்தர்களுக்கு நற்செய்தி என தனது டுவிட்டர் பக்கத்தில் மாநிலங்களவை உறுப்பினரும், பாஜக மூத்த தலைவருமான சுப்பிரமணியன் சுவாமி குறிப்பிட்டுள்ளார்.

கடந்த மாதம் 22-ம் தேதியன்று இரவில் தமிழக முதல்வர் ஜெயலலிதா, உடல்நலக் குறைவு காரணமாக திடீரென சென்னை கிரீம்ஸ் சாலையில் உள்ள #ApolloHospitals அப்பல்லோ மருத்துவமனையில் அனுமதிக்கப்பட்டார்.

மருத்துவமனையில் அனுமதிக்கப்பட்டு சுமார் ஒருமாத காலத்தை தாண்டியுள்ள நிலையில், முதல்வரின் உடல்நிலையில் தொடர்ந்து முன்னேற்றம் ஏற்பட்டு வருவதாக மருத்துவமனை வெளியிடும் செய்திக் குறிப்புகள் தெரிவிக்கின்றன. அதேசமயம், முதல்வரின் #Jayalalitha உடல்நிலை குறித்து பல்வேறு வதந்திகளும் பரவி வருகிறது.

இந்நிலையில், ஜெ., பக்தர்களுக்கு நற்செய்தி என தனது டுவிட்டர் பக்கத்தில் மாநிலங்களவை உறுப்பினரும், பாஜக மூத்த தலைவருமான சுப்பிரமணியன் சுவாமி குறிப்பிட்டுள்ளார்.

JJ bhaktas should be happy because I learn that JJ has got back her consciousness and may be discharged soon. If so, it is a miracle — Subramanian Swamy (@Swamy39) October 26, 2016 ஜெ., பக்தர்கள் மகிழ்ச்சி கொள்ளலாம். ஏனெனில், அவரது நினைவு திரும்பியுள்ளது என்றும், விரைவில் டிஸ்சார்ஜ் ஆக வாய்ப்புள்ளது என்றும், எனக்கு கிடைத்த தகவல்கள் தெரிவிக்கின்றன என்று சுவாமி தனது டுவிட்டர் பக்கத்தில் குறிப்பிட்டுள்ளார்.
JJ bhaktas should be happy: Swamy on Jaya Health