35 ஆயிரம் முதல் சம்பளம்: அறநிலையத்துறையில் வேலை வாய்ப்பு..! அரசு ஜாக்பாட் அறிவிப்பு

தமிழகத்தில் இந்து சமய அறநிலையத் துறைக்கு சொந்தமான கோயில்களில் உள்ள நகைகளை உருக்கி தங்க பிஸ்கட்டுகளாக மாற்றப்படும் என அமைச்சர் சேகர் பாபு அறிவித்துள்ளார். இந்த திட்டத்துக்கு இந்து அமைப்பினர் எதிர்ப்பு தெரிவித்து வருகின்றனர். இந்நிலையில், கோவில் நகைகள் உருக்குவதில் எந்த குளறுபடியும் ஏற்படாது என்று அமைச்சர் சேகர் பாபு உறுதியளித்தார்.

இந்நிலையில், அறநிலையத்துறைக்கு சொந்தமான கோவில்களில் நகைகள் மற்றும் விலையுர்ந்தவற்றை சரிபார்க்கவும், மதிப்பிடவும் செயல்பட்டு வரும் குழுவில் தொழில்நுட்ப உதவியாளர் பணிக்கான காலியிடங்களை நிரப்புவதற்கான அறிவிப்பு வெளியிடப்பட்டுள்ளது.

இந்து சமய அறநிலையத்துறை இதுதொடர்பாக அக்டோபர் 5 ஆம் தேதி விளம்பரம் ஒன்றை வெளியிட்டுள்ளது. அதில் கூறியிருப்பதாவது,இந்து சமய அறநிலையத் துறையில் நகைகள் மற்றும் விலையுயர்ந்தவற்றை சரிபார்க்கவும், மதிப்பிடவும் செயல்பட்டு வரும் நகை மதிப்பீடு குழுவில் (Verification Wing) இளநிலை தொழில்நுட்ப உதவியாளர் பதவியில் 20 காலியிடங்களை நிரப்படவுள்ளது.

இந்துக்கள் மட்டும்:

இத்துறையின் இணையத்தில் வெளியிடப்பட்டுள்ள தகுதிகளை பெற்றுள்ள இந்து மதத்தை சார்ந்த விண்ணப்பதாரர்களிடமிருந்து விண்ணப்பங்கள் வரவேற்கப்படுகின்றன. மேற்கண்ட பதவிக்கான தகுதிகளையும், விண்ணப்ப படிவத்தையும் http://hrce.tn.gov.in என்ற இணையதள முகவரியில் பதிவிறக்கம் செய்து கொள்ளலாம்.

ஊதிய விகிதம் Pay Level -11 (Pay Range 35400 - 112400) மற்றும் விதிமுறைகளின்படி பெறக்கூடிய இதர படிகள். மேலும், மேற்கண்ட காலியிடங்களின் வகுப்புவாரி ஒதுக்கீடு விவரங்கள் இணையதள விளம்பரத்தில் விரிவாக குறிப்பிடப்பட்டுள்ளன.

நம்பர் 2 இடத்தில் கே.பி.முனுசாமி: எடப்பாடியின் பக்கா பிளான்!

விண்ணப்பத்தை பதிவிறக்கம் செய்து, முழுமையாக பூர்த்து செய்யப்பட்ட விண்ணப்ப பதிவினைகளை ' ஆணையர், இந்து சமய அறநிலையத் துறை, எண். 119 , உத்தமர் காந்தி சாலை, நுங்கம்பாக்கம், சென்னை - 34' என்ற முகவரிக்கு 17 .11 .2021 மாலை 5 மணிக்குள் கிடைக்கும்படி அனுப்பி வைக்க கேட்டு கொள்ளப்படுகிறது. குறிப்பிட்ட நாளுக்கு பின்னர் பெறப்படும் விண்ணப்பங்கள் ஏற்றுக்கொள்ளப்படமாட்டாது. என இவ்வாறு அதில் தெரிவிக்கப்பட்டுள்ளது.

மேலும் தகவல்களை அறிய http://hrce.tn.gov.in என்ற இணையதளத்துக்கு சென்று சரிபார்த்துக்கொள்ளலாம்.