டிச.23-ல் கச்சத்தீவு திருவிழா: இலங்கை அறிவிப்பு

கொழும்பு: கச்சத்தீவு அந்தோனியார் கோயில் திருவிழா வருகிற 23-ம் தேதியன்று நடைபெறும் என இலங்கை அறிவித்துள்ளது.

கச்சதீவு இலங்கை நெடுந்தீவிலிருந்து 40 கடல் மைல் தொலைவிலும் இந்தியாவின் ராமேஸ்வரத்திலிருந்து 12.5 கடல் மைல் தொலைவிலும் அமைந்துள்ளது.

பாரம்பரியமாகவும், இரு நாட்டு உறவுகளுக்கு ஒரு இணைப்பு பாலமாகவும் அமையும் கச்சதீவு அந்தோனியார் ஆலயத்தின் இந்த ஆண்டுக்கான வருடாந்திர திருவிழா, தமிழக முதல்வர் ஜெயலலிதாவின் மறைவையடுத்து ஒத்தி வைக்கப்பட்டது.

இந்நிலையில், ஒத்திவைக்கப்பட்ட கச்சத்தீவு அந்தோனியார் கோயில் திருவிழா வருகிற 23-ம் தேதியன்று நடைபெறும் என இலங்கை அரசு அறிவித்துள்ளது. இதனையடுத்து, அங்கு விழா ஏற்பாடுகள் தொடங்கப்பட்டுள்ளது.
Kachatheevu festival on 23rd dec: SriLanka