கலைஞர் 6வது முறையாக முதல்வராக பதவியேற்பார்: கனிமொழி

தமிழகத்தில் தனது தந்தையும், முன்னாள் முதல்வருமான கலைஞர் கருணாநிதி 6வது முறையாக முதல்வராக பதவி ஏற்பார் என்று ராஜ்ய சபா எம்.பி., கனிமொழி தெரிவித்துள்ளார்.

இதுகுறித்து மேலும் அவர் டைம்ஸ் ஆப் இந்தியாவுக்கு அளித்த பேட்டியில், ''தமிழகத்தில் காங்கிரஸ் மற்றும் சிறிய கட்சிகளுடன் திமுக கூட்டணி வைத்துக் கொள்வது வெற்றியை அளிக்கும். மாநிலத்தில் கொள்கை அளவிலான நிர்வாகம் முடங்கிப் போயுள்ளது. இது மாநிலத்தின் வளர்ச்சிக்கு தடையாக உள்ளது. மாநில அரசு செயல்படாமல் முடங்கிப் போயுள்ளது. இதனால் மக்கள் திமுக பக்கம் திரும்பியுள்ளனர்.

பணியில் ஈடுபடாத மற்றும் செயல்படாத முதல்வரை நாம் பெற்றுள்ளோம். முதல்வர் மக்களையும் சந்திப்பது இல்லை. அவரை ஸ்டிக்கர், தொலைக்காட்சி, தியேட்டர்களில்தான் பார்க்க முடிகிறது.

முந்தைய திமுக அரசின் திட்டங்களை சீர்குழைப்பதில்தான் தற்போதைய திமுக அரசு முக்கியத்துவம் அளித்து வருகிறது. ஆனால், ஆட்சிக்கு வரும்போது அளித்த எந்த வாக்குறுதிகளையும் நிறைவேற்றவில்லை'' என்று தெரிவித்தார்.