சமூக நல்லிணக்கத்திற்கு எதிராக 144 தடை உத்தரவா? ரத யாத்திரைக்கு கமல் எதிர்ப்பு!

சென்னை: ரத யாத்திரை அனுமதிக்கு கமல் ஹாசன் எதிர்ப்பு தெரிவித்துள்ளார்.

கடந்த பிப்ரவரி 13ஆம் தேதி, விஸ்வ ஹிந்து பரிஷத் சார்பில் ராம ராஜ்ய ரத யாத்திரை தொடங்கியது. இது உத்தரப்பிரதேசம், மகாராஷ்டிரா, கர்நாடா, கேரளா வழியாக தமிழ்நாடு வந்தடைந்துள்ளது.

இந்த ரத யாத்திரைக்கு பல்வேறு கட்சியினர் எதிர்ப்பு தெரிவித்தனர். இதனால் சமூக நல்லிணக்கம் பாதிக்கப்படுவதாக கூறி, ஆர்ப்பாட்டங்களில் ஈடுபட்டு வருகின்றனர்.
இந்நிலையில் ரத யாத்திரை அனுமதிக்கு மக்கள் நீதி மய்யம் கட்சியின் தலைவர் கமல் ஹாசன் எதிர்ப்பு தெரிவித்துள்ளார்.

இதுதொடர்பாக தனது டுவிட்டரில் பதிவிட்டுள்ள அவர், சமூக நல்லிணக்கத்திற்காக எழும் நியாயமான குரல்களுக்கு 144 தடை உத்தரவு, கைது.
அரசியல் நோக்கத்துடன் மக்களைப் பிளவுபடுத்தும் ஊர்வலத்திற்கு அனுமதி அளிக்கப்பட்டுள்ளது. யாரையும் மதியாமல் யாருக்கோ சாமரம் வீசுகிறது தமிழக அரசு என்று குற்றம்சாட்டியுள்ளார்.

Kamal Haasan opposes for Rama Rajya Rath Yatra.