Kamal Haasan: திமுக கூட்டணியில் இணைகிறேனா? : கமல்ஹாசன் பளிச் பதில்

கருணாநிதி சிலை திறப்பு விழாவில் ராகுல் காந்தி முன்னிலையில் கமல் ஹாசனின் மக்கள் நீதி மய்யம், திமுக மற்றும் காங்கிரஸ் கூட்டணியில் இணையவுள்ளதாக தகவல்கள் வெளியாகின.

திமுக-வின் முன்னாள் தலைவரும், தமிழகத்தின் முன்னாள் முதல்வருமான கருணாநிதிக்கு நாளை அண்ணா அறிவாலயத்தில் ஆள் உயரச் சிலை திறக்கப்படுகிறது. இந்த நிகழ்ச்சியில் பங்கேற்கும் காங்கிரஸின் முன்னாள் தலைவர் சோனியா காந்தி கருணாநிதியின் சிலையை திறந்து வைக்கிறார்.

இந்த விழாவில் பங்கேற்க பல்வேறு அரசியல் கட்சி தலைவர்கள், திமுக தோழமை கட்சி தலைவர்கள், திரை பிரபலங்கள், திமுக கட்சி நிர்வாகிகள் என பலருக்கும் அழைப்பு விடுக்கப்பட்டுள்ளது. இந்த நிகழ்வில் காங்கிரஸ் கட்சி தலைவர் ராகுல் காந்தியும் கலந்துக்கொள்ளவுள்ளார்.

இந்நிலையில் நடிகர் கமல்ஹாசனின் மக்கள் நீதி மய்யம் கட்சியும் இந்த விழாவில் பங்கேற்கவுள்ளது. இந்த விழாவில் சந்திக்கும் கமல் - ராகுல் காந்தி நாடாளுமன்ற தேர்தலில் காங்கிரஸ் - திமுக கூட்டணியில் கமலின் மக்கள் நீதி மய்யம் கட்சியும் இணைப்பது குறித்து பேசுவார்கள் என தகவல் வெளியானது.

கமல் பளிச் பதில்:
“மக்கள் நீதி மய்யம் உறுப்பினர்களுக்கும், ஆதரவாளர்களுக்கும், நான் அரசியலுக்கு வந்த காரணத்தை நாம் உணர்வோம். அது குறுகிய ஆதாயங்களுக்காக அல்ல. வதந்திகளை நம்பாதீர். மிரண்டு போனவர்களின் தந்திர விளையாட்டு இது. உந்தப்பட்டால் தனித்து நிற்போம். நாளைநமதே.” என டுவிட்டரில் பதிவிட்டு ஊர், உலக வாயை ஒரே டுவீட்டில் அடைத்துள்ளார் கமல்.