Mekedatu: மேகதாது அணைக்கு எதிராக தமிழகத்தின் நீதிமன்ற முறையீட்டுக்கு, எம்.பிக்கள் எதிர்ப்பு

புது டெல்லி: கர்நாடகாவில் மேகதாது அணைக்கு எதிராக தமிழகம் நீதிமன்றத்தில் முறையிடுவதற்கான முடிவிற்கு எதிர்ப்பு தெரிவித்து கர்நாடகா எம்.பிக்கள் நாடாளுமன்றத்தின் முன் உள்ள காந்தி சிலை முன் எதிர்ப்பு ஆர்பாட்டம் நடத்தி வருகின்றனர்.

பெங்களூர் மக்களின் குடிநீர் தேவை மற்றும் மின்சார உற்பத்தியை அதிகரிக்கும் நோக்கத்தோடு காவிரியின் குறுக்கே, மேகதாட்டு அணை கட்டுவதற்கு கர்நாடக அரசு முயற்சி செய்து வருகிறது.

ஏற்கனவே நடுவர் மன்றம் வழங்கிய தீர்ப்பை ஏற்று தண்ணீர் வழங்காத கர்நாடக அரசு, புதிதாக அணையும் கட்டிக்கொண்டால், தமிழகத்திற்கு தண்ணீர்கிடைக்காது என்ற வாதம் தமிழக அரசால் முன்வைக்கப்பட்டு வருகிறது. மேலும், இந்த திட்டத்திற்கு கடும் எதிர்ப்பு தெரிவிக்கப்பட்டு வருகிறது.

ஆனால் கர்நாடகாவின் மேகதாது அணைக்கான செயல்திட்டத்தை மத்திய அரசு அனுமதி அளித்ததை தொடர்ந்து, அணைக்கான வேலைகள் வேகமாக நடைப்பெற்று வருகின்றன.

தமிழகம் முறையீடு:
இந்நிலையில் மேகதாது அணை கட்டக் கூடாது என தமிழகம் உச்ச நீதிமன்றத்தில் மேல் முறையீடு செய்ய உள்ளது.



கர்நாடகா எதிர்ப்பு:
தமிழகத்தின் மேல் முறையீட்டுக்கு எதிர்ப்பு தெரிவிக்கும் வகையில், நாடாளுமன்றத்தின் முன் உ ள்ள காந்தி சிலை முன் கர்நாடகா எம்.பிக்கள் பதாகைகளை ஏந்தியவாறு, மேகதாது அணை வேண்டும் என்றும் தமிழகத்திற்கு எதிர்ப்பு முழக்கமும் இட்டனர்.