விடைபெறுகிறார் அன்பு உடன்பிறப்பு; கருணாநிதி இறுதி ஊர்வலம் தொடக்கம்

முப்படை அணிவகுப்புடன் மறைந்த திமுக தலைவர் கருணாநிதியின் இறுதி ஊர்வலம் சென்னை ராஜாஜி அரங்கிலிருந்து தொடங்கியது.

சென்னை காவேரி மருத்துவமனையில் சிகிச்சை பெற்று வந்த கருணாநிதி உடல்நலக் குறைவால் நேற்று காலமானார். அவருக்கு வயது 95.

அவரது உடல் பொதுமக்களின் இறுதி அஞ்சலிக்காக சென்னை அண்ணா சாலை ராஜாஜி அரங்கில் வைக்கப்பட்டிருந்த நிலையில், தற்போது இறுதி ஊர்வலம் தொடங்கியது.


ராஜாஜி அரங்கிலிருந்து புறப்பட்ட கருணாநிதியின் உடல், சிவானந்தா சாலை வழியாக ஊர்வலமாக எடுத்துச் செல்லப்படுகிறது. பிறகு தந்தை பெரியார் சிலையை கடந்து செல்லும்.

தொடர்ந்து கருணாநிதியின் இறுதி ஊர்வலம் பேரறிஞர் அண்ணா சிலை வந்தடைந்து பிறகு அங்கியிருந்து வாலஜா சாலை வழியாக, காமராஜர் சாலைக்கு வருகிறது.

பிறகு அண்ணா சதுக்கத்தில் உள்ள அண்ணா நினைவிடத்திற்கு வந்தடையும் கருணாநிதியின் பூத உடல் சந்தேன பேழையில் வைக்கப்பட்டு, உரிய ராணுவ மரியாதையுடன் அன்ணா சமாதியின் பின்னால் இடம்பக்கத்தில் நல்லடக்கம் செய்யப்படுகிறது.

அண்ணாவை காண புறப்படும் திமுக தலைவர் கருணாநிதியின் இறுதி ஊர்வலத்தில் ஆயிரக்கணக்கான திமுக தொண்டர்கள், பொது மக்கள், கலைஞர் கருணாநிதி குடும்பத்தினர் பங்கேற்றுள்ளனர்.