இரண்டு நாட்களில் கருணாநிதி வீடு திரும்புவார்: வடிவேலு

சென்னை: இரண்டு நாட்களில் திமுக தலைவர் கருணாநிதி வீடு திரும்புவார் என காவேரி மருத்துவமனைக்கு நேரில் சென்று அவரது உடல் நலன் குறித்து விசாரித்த நடிகர் வடிவேலு தெரிவித்துள்ளார்.

திமுக தலைவர் கருணாநிதி, தொண்டை மற்றும் நுரையீரலில் ஏற்பட்டுள்ள தொற்று காரணமாக கடந்த டிசம்பர் 15-ம் தேதி இரவு சென்னையிலுள்ள காவிரி மருத்துவமனையில் அனுமதிக்கப்பட்டார். மூச்சு விடுதலில் சிரமம் மற்றும் அஜீரணக் கோளாறு ஆகியவற்றால் அவர் அவதிப்பட்டு வருவதாக தெரிவிக்கப்பட்டது.

மூச்சு விடுவதில் உள்ள சிரமங்களை குறைப்பதற்காக அவருக்கு ”டிரக்கியோஸ்டோமி” சிகிச்சை அளிக்கப்பட்டு வருவதாக அம் மருத்துவமனை வெளியிட்ட அறிக்கையில் தெரிவிக்கப்பட்டிருந்தது. மேலும், அவரது உடல்நிலை சீராக உள்ளது என்றும் தெரிவிக்கப்பட்டிருந்தது.

இதனை தொடர்ந்து, பல்வேறு கட்சிகளைச் சேர்ந்த தலைவர்கள், காவிரி மருத்துவமனைக்கு வந்து கருணாநிதியின் உடல்நிலை குறித்து விசாரித்து வருகின்றனர்.

இந்நிலையில் காவேரி மருத்துவமனைக்கு வந்த நடிகர் வடிவேலு, திமுக தலைவர் கருணாநிதியின் உடல்நிலை குறித்து நலம் விசாரித்தார். அதனையடுத்து செய்தியார்களை சந்தித்த அவர், கருணாநிதி நலாமாக உள்ளார். இன்னும் இரண்டு நாட்களில் அவர் வீடு திரும்புவார் என்றார்.
Karunanidhi will be back home with in two days: Vadivelu