விரைவில் வீடு திரும்புகிறார் திமுக தலைவர் கருணாநிதி

சென்னை: மருத்துவமனையில் சிகிச்சை பெற்று வரும் திமுக தலைவர் கருணாநிதி, இரண்டு அல்லது மூன்று நாட்களில் வீடு திரும்புவார் என கனிமொழி தகவல் தெரிவித்துள்ளார்.

ஒவ்வாமையால் உடல் நலம் பாதிக்கப்பட்டிருந்த கருணாநிதி, ஒரு மாதத்துக்கும் மேலாக பொது நிகழ்வுகள் எதிலும் பங்கேற்காமல் வீட்டிலேயே இருந்து வந்தார். மருத்துவர்கள் மட்டும் வீட்டுக்கு சென்று சிகிச்சை அளித்து வந்தனர். இதனிடையே, அவரது உடல்நிலை மிகவும் #KarunanidhiHealth பாதிக்கப்பட்டதையடுத்து, சென்னை ஆழ்வார்ப்பேட்டையில் உள்ள #CauveryHospital காவேரி மருத்துவமனையில் நேற்று அனுமதிக்கப்பட்டார்.

அதனையடுத்து மருத்துவமனை வெளியிட்ட செய்திக்குறிப்பில், ஊட்டச்சத்து, நீர்ச்சத்து குறைபாடு காரணமாக திமுக தலைவர் கருணாநிதி அனுமதிக்கப்பட்டுள்ளார். அவரின் உடல்நிலை சீராக உள்ளது. இன்னும் சில நாள்கள் மருத்துவமனையில் தங்கி அவர் சிகிச்சை பெறுவார் என கூறப்பட்டிருந்தது.

இந்நிலையில், மருத்துவமனையின் சாதரான வார்டில் சிகிச்சை பெற்று வரும் கருணாநிதி நலமாக உள்ளார். அவரது உடல்நிலையில் முன்னேற்றம் ஏற்பட்டுள்ளது. இன்னும் இரண்டு அல்லது மூன்று நாட்களில் அவர் வீடு திரும்புவார் என மருத்துவர்கள் தெரிவித்ததாக திமுக எம்.பி., கனிமொழி தெரிவித்துள்ளார்.
Karunanidhi will discharge within two or three days: Kanimozhi