தேமுதிக தலைவர் விஜயகாந்திற்கு சிறுநீரக மாற்று அறுவை சிகிச்சை!

அமெரிக்காவில் சிகிச்சை பெற்று வரும் தேமுதிக தலைவர் விஜயகாந்திற்கு விரைவில் சிறுநீரக மாற்று அறுவை சிகிச்சை நடக்கயிருக்கிறது.

நடிகரும், தேமுதிக தலைவருமான விஜயகாந்த் சிகிச்சைக்காக அமெரிக்கா சென்றுள்ளார். அவருக்கு சிறுநீரகத்தில் பாதிப்பு ஏற்பட்டுள்ளதாக கூறப்படுகிறது. தமிழகத்தில், பாஜக தலைவர் தமிழிசையின் கணவர் சிறுநீரக் சிகிச்சை நிபுணர் சவுந்தரராஜன், விஜயகாந்திற்கு சிகிச்சை அளித்து வந்துள்ளார். அப்போது, உடனடியாக விஜயகாந்திற்கு சிறுநீரக மாற்று அறுவை சிகிச்சை செய்தே ஆக வேண்டும் என்று கூறிவிட்டார். இதன் காரணமாக, விஜயகாந்த், குடும்பத்தோடு அமெரிக்கா சென்றுள்ளார்.

தற்போது நண்பர் வீட்டில் தங்கியுள்ளனர். காலதாமதத்திற்குப் பிறகு தற்போது விஜயகாந்திற்கு சிறுநீரகம் கிடைத்துவிட்டது. விரைவில் சிறுநீரக மாற்று அறுவை சிகிச்சை செய்யப்படவுள்ளது. நண்பர் வீட்டில் தங்கியுள்ள விஜயகாந்தும் அவரது குடும்பத்தினரும், சிகிச்சை முடித்த பிறகு மார்ச் மாதத்தில் சென்னை திரும்ப உள்ளனர் என்பது குறிப்பிடத்தக்கது.