உள்ளாட்சி தேர்தல்: தமிழக தேர்தல் ஆணையம் மேல்முறையீடு

சென்னை: தமிழக உள்ளாட்சி தேர்தல் அட்டவனையை சென்னை உயர் நீதிமன்றம் ரத்து செய்து பிறப்பித்த உத்தரவை எதிர்த்து தமிழக தேர்தல் ஆணையம் மேல்முறையீட்டு மனு ஒன்றை தாக்கல் செய்துள்ளது.

தமிழக உள்ளாட்சி தேர்தல் #LocalBodyElections அறிவிப்பு வெளியிடப்பட்ட நாள் முதலே அதில் சர்ச்சைகள் நிலவின. இதனையடுத்து, உள்ளாட்சி அமைப்புகளுக்கான தேர்தல் குறித்த இந்த அறிவிப்பில், பழங்குடியின மக்கள் தொகைக்கு ஏற்ப, இட ஒதுக்கீடு வழங்கப்படவில்லை. இது பஞ்சாயத்து ராஜ் மற்றும் அரசியலமைப்பு சட்டத்திற்கு எதிரானது என்பன உள்ளிட்ட பல காரணங்களால் உள்ளாட்சி தேர்தல் அட்டவனையை ரத்து செய்ய கோரி திமுக அமைப்பு செயலர் ஆர்.எஸ்.பாரதி சென்னை உயர் நீதிமன்றத்தில் மனு அளித்திருந்தார்.

இந்த அமனு மீதான விசாரணை நடத்திய சென்னை உயர் நீதிமன்ற நீதிபதி கிருபாகரன், உள்ளாட்சி தொடர்பான 3 அரசாணைகளை ரத்து செய்ததுடன், புதிய அறிவிப்பு ஆணை வெளியிட்டு டிசம்பர் 31-ம் தேதிக்குள் உள்ளாட்சி தேர்தலை நடத்த வேண்டும் என்றும் உத்தரவிட்டார்.

இந்நிலையில், இந்த தீர்ப்பை எதிர்த்து தமிழக தேர்தல் ஆணையம் சார்பில் சென்னை உயர் நீதிமன்றத்தில் மேல்முறையீட்டு மனு ஒன்று தாக்கல் செய்யப்பட்டுள்ளது. அதில், நீதிபதி கிருபாகரனின் உத்தரவை ரத்து செய்ய வேண்டும் என கோரப்பட்டுள்ளது. இந்த மனு மீதான விசாரணை நாளை அல்லது நாளை மறுநாள் விசாரணைக்கு வரும் என தெரிகிறது.

Local Body Elections: TN EC appealed against HC order #LocalBodyElection #ElectionCommision