குமரி முத்து மறைவிற்கு கருணாநிதி, ஸ்டாலின் இரங்கல்

சென்னை: தனது தனிப்பட்ட சிரிப்பின் மூலம் சினிமா உலகில் பிரபலமடைந்த பழம்பெரும் நடிகர் குமரிமுத்து காலமானார்.

சினிமா மட்டுமல்லாது அரசியலிலும் சிறப்பாக செயல்பட்ட குமரி முத்து திமுக-வில் இணைந்து சிறந்த மேடை பேச்சாளராகவும், திமுக-வின் கலை மற்றும் இலக்கிய பகுத்தறிவுப் பேரவைத் துணைத் தலைவராகவும் கட்சி பணியாற்றினார்.

குமரிமுத்துவின் மறைவிற்கு திமுக தலைவர் மு.கருணாநிதி இரங்கல் தெரிவித்துள்ளார். அவரது இரங்கல் செய்தியில்,'குமரி முத்துவின் மறைவு செய்தி கெட்டு திடுக்கிட்டேன். சில நாட்களுக்கு முன்னதாக மருத்துவமனையில் சிகிச்சை பெற்று உடல் நலம் பெற்று, தனது குடும்பத்தினருடன் வந்து என்னை சந்தித்து, மருத்துவமனையில் சிகிச்சை பெற உதவியதற்காக நன்றி தெரிவித்துவிட்டும் சென்றார். #KumariMuthu -வின் மறைவினால் வருந்தும் அவருடைய குடும்பத்தாருக்கு எனது ஆழ்ந்த இரங்கலைத் தெரிவித்துக் கொள்கிறேன்.https://t.co/d4QG1DfTOW— KalaignarKarunanidhi (@kalaignar89) February 29, 2016 கடந்த 2014ஆம் ஆண்டு நடைபெற்ற திமுக முப்பெரும் விழாவில், எனது பெயரில் வழங்கப்படும் 'கலைஞர் விருது' குமரி முத்து அவர்களுக்கு வழங்கப்பட்டது. குமரி முத்துவின் சிரிப்பே அவரது புகழை அதிகப்படுத்தியுள்ளது. திரைப்படங்களில் தன்னுடைய நடிப்புத் திறனை வெளிப்படுத்தியதால் “கலைமாமணி”, “கலைச்செல்வம்”, ஆகிய விருதுகளைப் பெற்றவர். பகுத்தறிவுப் பாசறையாம் திராவிடர் கழகம் இவருக்கு “பெரியார் விருது” வழங்கி கௌரவித்துள்ளது.

குமரி முத்துவின் மறைவினால் வருந்தும் அவருடைய குடும்பத்தாருக்கும், நண்பர்களுக்கும், கழக உடன்பிறப்புகளுக்கும் என் ஆழ்ந்த இரங்கலைத் தெரிவித்துக் கொள்கிறேன். என தனது இரங்கல் செய்தியில் குறிப்பிட்டுள்ளார்.

கருணாநிதியைத் தொடர்ந்து திமுக துணைத் தலைவர் மு.க.ஸ்டாலின் தனது டுவிட்டர் பக்கத்தில்,'சிரிப்பொலியால் சிந்தனையை ஈர்த்த நடிகர் குமரிமுத்துவின் மறைவுக்கு எனது ஆழ்ந்த இரங்கலைத் தெரிவித்துக் கொள்கிறேன்' என்று கூறியுள்ளார். சிரிப்பொலியால் சிந்தனையை ஈர்த்த நடிகர் குமரிமுத்துவின் மறைவுக்கு எனது ஆழ்ந்த இரங்கலைத் தெரிவித்துக் கொள்கிறேன் #Kumarimuthu— M.K.Stalin (@mkstalin) February 29, 2016