'நீயா பேசியது..?'.. இன்ஸ்டால நிறைய பெண்கள் இருக்காங்க.. பிச்சிகிட்டு போகும் யூடியூபர்ஸ்கள்

தமிழக பாஜக முன்னாள் பொதுச்செயலாளராக இருந்த கே.டி. ராகவனின் ஆபாச வீடியோ யூ டியூபர் மதன் என்பவரால் வெளியாகி பரபரப்பை ஏற்படுத்தியது. அதனை தொடர்ந்து அவர் மாநில தலைவர் அண்ணாமலையை சந்தித்து தனது ராஜினாமா கடிதத்தை அளித்தார்.


ஒற்றை வீடியோவால் கே.டி. ராகவனின் அரசியல் சகாப்தமே முடிந்துபோனது. அந்த நிகழ்வுக்கு பின்னர் தலைமறைவானார் மதன் ரவிச்சந்திரன். அவரை ஏதோ செய்துவிட்டதாகவும் பேச்சுக்கள் எழுந்தன. இந்த நிலையில், ஸ்டிங்க் ஆபரேஷன் என்ற பெயரில் மீண்டும் கம் பேக் கொடுத்துள்ள மதன் ரவிச்சந்திரன் பிரபல தமிழ் யூடியூபர்ஸ்களின் வீடியோக்களை வெளியிட்டு தமிழக அரசியல் அரங்கில் பெருத்த கவனத்தை ஈர்த்து இந்திய அளவில் ட்ரெண்ட் ஆகியுள்ளார்.


யூடியூபர் ஐயப்பன் ராமசாமியை தொடங்கி முக்தார், மாதேஷ் வரை பிரபலமான யூடியூபர்ஸ்கள் அரசியல் கட்சியிடம் இருந்தும் பணம், கிப்ட் பொருட்களை பெறும் வீடியோக்களை மதன் ரவிச்சந்திரன் வெளியிட்டிருப்பது அவரவர் ரசிகர்களையும், ஆதரவாளர்களையும் பேரதிர்ச்சியில் ஆழ்த்தியுள்ளது.


மேலும், பெரியாரிஸ்ட் என்று பெண்கள் முன்னேற்றம், சம உரிமையை குறித்து பேசி வரும் பிரபல யூடியூபரே இன்ஸ்ட்டாகிராமில் தனக்கு அதிகமாக பெண் பாலோவர்ஸ்கள் இருப்பதாகவும் அந்த ஐடி-யை எனது அட்மினிடம் கொடுத்தால் அந்த பெண்களை அவன் சாப்பிட்டு போயிடுவான்'' என்று வாய் கூசாம பேசியிருப்பது கண்டனத்திற்குள்ளாகியுள்ளது. இந்நிலையில், மேலும் பல வீடியோக்கள் அடுத்தடுத்து வெளியாகும் என்று மதன் ரவிச்சந்திரன் தெரிவித்துள்ளதால் இதுவரை சிக்கியுள்ள யூடியூபர்ஸ்கள் கலக்கத்தில் இருக்கின்றனர். அவரவர் சமூக வலைதள பக்கங்கள் மயான அமைதியாக உள்ளது.