இப்படி ரோடு இருந்தா எப்படி சுங்கக் கட்டணம் செலுத்தறது; 30% குறைப்பு சரிதான்!

மதுரை - தூத்துக்குடி இடையிலான சாலைகள் குண்டு, குழியுமாக காட்சியளிக்கின்றன. ஆனால் அவ்வழியில் அமைந்துள்ள சுங்கச்சாவடியில் முழுக் கட்டணம் வசூலிக்கப்பட்டு வருகிறது.

இதைக் குறிப்பிட்டு அருப்புக்கோட்டை தனியார் பேருந்து உரிமையாளர்கள் உயர்நீதிமன்ற மதுரைக் கிளையில் மனு தாக்கல் செய்தனர். இந்த வழக்கை விசாரித்த தனி நீதிபதி, மதுரை - தூத்துக்குடி சாலையில் செல்லும் அனைத்து வாகனங்களும் 30% சுங்கக் கட்டணத்தைக் குறைத்து செலுத்த உத்தரவிட்டார்.

இதனை எதிர்த்து எளியார்பத்தியில் உள்ள சுங்கச்சாவடி சார்பில் மேல்முறையீடு செய்யப்பட்டது. இந்த மனுவை நீதிபதிகள் விசாரித்தனர். அப்போது 30% சுங்கக் கட்டணம் குறைத்து செலுத்தும் உத்தரவிற்கு தடை விதிக்க மறுத்து விட்டனர்.

உடனடியாக சாலையை சீரமைக்க நடவடிக்கை எடுக்க வேண்டும் என்றும், அதுவரை கட்டணக் குறைப்பு தொடரும் என்று உத்தரவிட்டனர்.