விநாயகர் சதுர்த்தி நேரலை செய்கிறது மீனாட்சி அம்மன் கோயில்...

மதுரை மீனாட்சி அம்மன் கோயிலில் நடக்கும் விநாயகர் சதுர்த்தி விழாவை இணையத்தில் நேரலையில் ஒளிபரப்பு கோயில் நிர்வாகம் தயாராக உள்ளது. இதுகுறித்த தகவல்கள் அனைத்தையும் மீனாட்சி அம்மன் கோயில் நிர்வாகம் வெளியிட்டுள்ளது.

மதுரை மீனாட்சி அம்மன் கோயிலில் ஊரடங்கு காரணமாக மக்கள் அனுமதிக்கப்படுவதில்லை. சித்திரைத் திருவிழா தொடங்கி அனைத்துமே நேரலையில் மட்டுமே ஒளிபரப்பப்பட்டது. இந்நிலையில் இப்போதும் கொரோனாவின் தாக்கம் குறையாத காரணத்தால் விநாயகர் சதுர்த்தி கொண்டாட்டங்களுக்கும் அரசு தடை விதித்தது.

அரசின் இந்த தடை உத்தரவு தொடர்பாக மாநிலத்தில் அரசியல் மோதல்கள் நடந்து வருகின்றன. தடையை மீறி இந்து அமைப்புகள் விநாயகர் சதுர்த்தியைக் கொண்டாடுவோம் என அறிவிப்புகளை விட்டு வந்த அதே வேளையில், அதிமுகவைக் கடுமையாக விமர்சிக்கத் தொடங்கியது.

விநாயகருக்கு க்ரீன் சிக்னல்: சென்னை உயர் நீதிமன்றம் தீர்ப்பு!

இந்த சூழலில் விநாயகர் சதுர்த்தி கொண்டாட்டங்களுக்கு இந்து மதத்தினர் தயாராகி விட்டனர். அதே வேளையில் கோயிலுக்குச் செல்ல முடியவில்லை என்ற கவலையைத் தீர்க்க வழியும் இப்போது கிடைத்துள்ளது.

இணைய வசதி உள்ளவர்கள் www.maduraimeenakshi.org, www.tnhrce.gov.in என்ற இணையதளத்திற்குச் சென்று மீனாட்சி அம்மன் கோயிலில் விநாயகர் கடவுளுக்கு நடக்கும் சிறப்புப் பூசைகள் நேரலையில் ஒளிபரப்பப்படுகிறது. இந்த சிறப்புப் பூசை சனிக்கிழமை காலை 10: 45 மணி முதல் 11: 15 மணி வரை நடக்கும் எனக் கோயில் நிர்வாகம் அறிவித்துள்ளது.